BJP:మరోసారి బండి సంజయ్ పాదయాత్ర.. ప్లాన్ ఇదేనా..?

కరీంనగర్: పార్లమెంట్ ఎన్నికల్లో గెలుపే లక్ష్యంగా బీజేపీ(BJP) పలు కసరత్తులు చేస్తోంది. మొన్నటి అసెంబ్లీ ఎన్నికల్లో ఇచ్చిన బూస్టప్‌‌తో పార్లమెంట్ ఎన్నికల్లో అత్యధిక ఎంపీ స్థానాలు గెలిచే విధంగా ఆ పార్టీ అగ్ర నాయకత్వం ప్లాన్ చేస్తోంది. తెలంగాణలో ఎక్కువ ఎంపీ సీట్లు గెలిస్తేనే.. కేంద్రంలో కూడా చక్రం తిప్పవచ్చని కమలం పార్టీ భావిస్తోంది. దీనిలో భాగంగానే బీజేపీ జాతీయ ప్రధాన కార్యదర్శి, కరీంనర్ ఎంపీ బండి సంజయ్ కుమార్(Bandi Sanjay) పాదయాత్ర చేయడానికి రంగం సిద్ధం చేసుకుంటున్నారు. దీనిలో భాగంగా ఈనెల 10వ తేదీ నుంచి బండి సంజయ్ పాదయాత్ర చేయనున్నారు.

ఈ యాత్రకు ‘‘విజయ సంకల్ప యాత్ర’’గా నామకరణం చేశారు. పార్లమెంట్ ఎన్నికలు జరిగే వరకు ఈ పాదయాత్రను కొనసాగించాలని నిర్ణయం తీసుకున్నారు. కొండగట్టు వద్ద పూజ చేసి మేడిపల్లి నుంచి ఈ పాదయాత్రను ప్రారంభించనున్నారు. కరీంనగర్ పార్లమెంట్ పరిధిలోని అన్ని మండలాల్లో ఈ యాత్ర కొనసాగనున్నది. గ్రామాల మీదుగా ఈ యాత్ర సాగనున్నది. యాత్ర పేరుతో వీలైనంత మేరకు ఎక్కువ గ్రామాల్లోకి వెళ్లేందుకు సంజయ్ ప్లాన్ చేసుకుంటున్నారు. రూట్ మ్యాప్ ఖరారు చేసే పనిలో బీజేపీ శ్రేణులు నిమగ్నమయ్యారు.