Harish Rao: కాంగ్రెస్ మెడలు వంచాలంటే పార్లమెంటు ఎన్నికల్లో బీఆర్ఎస్‌ను గెలిపించాలి

హైదరాబాద్: కాంగ్రెస్ మెడలు వంచాలంటే పార్లమెంటు ఎన్నికల్లో బీఆర్ఎస్‌ను గెలిపించాలని మాజీ మంత్రి, ఎమ్మెల్యే హరీష్ రావు ( Harish Rao ) అన్నారు. సోమవారం నాడు తెలంగాణ భవన్‌లో నల్లగొండ లోక్‌సభ నియోజక వర్గ సమావేశం నిర్వహించారు. ఈ సమావేశంలో హరీష్ రావు మాట్లాడుతూ... కాంగ్రెస్ ఎండ్రి కాయల పార్టీ..ఒకరి కాలు ఇంకొకరు పట్టి లాగుతుంటారని ఎద్దేవా చేశారు. కాంగ్రెస్‌ది ఇచ్చే గుణం కాదు..ఎగ వేసే గుణమని దెప్పిపొడిశారు. కృష్ణ రివర్ బోర్డులో చేరెందుకు రెండు నెలల్లోనే ఈ ప్రభుత్వం సంతకం పెట్టిందని అన్నారు. మంత్రి కోమటి రెడ్డి సంతకం పెట్టిన సీఎం రేవంత్‌ను నిలదీయాలన్నారు. రైతు బంధు గురించి మాట్లాడితే ఓ మహిళా మంత్రి అసహానంగా మాట్లాడుతున్నారని చెప్పారు.

సమీక్ష సమావేశాల్లో కార్యకర్తలు మంచి సూచనలు చేశారని చెప్పారు. పార్టీకి ద్రోహం చేసిన వారిపై చర్యల కోసం డిమాండ్లు వచ్చాయన్నారు. గతంలో చేసిన పొరపాట్లు మళ్లీ చేయకుండా ముందుకు సాగుదామని పిలుపునిచ్చారు. కష్టపడ్డ వారికే పార్టీలో గుర్తింపు ఇస్తామని.. ఉద్యమ కారులకు సముచిత స్థానం ఇస్తామని స్పష్టం చేశారు. త్వరలోనే కమిటీలు వేసుకుని అసెంబ్లీ నియోజక వర్గాలలో సమావేశాలు నిర్వహిస్తామన్నారు. పార్టీ నేతల మధ్య అభిప్రాయ భేదాలు ఉంటే పక్కన పెట్టి టీం లా పని చేయాలని కోరారు. ఎవరి పొరపాట్లు ఉన్నా సవరించుకోవాల్సిందేనని తేల్చిచెప్పారు.