TS News: వివాహానికి వెళ్లిన కుటుంబం తిరిగి వచ్చేసరికి....

రంగారెడ్డి, ఫిబ్రవరి 24: ఓ కుటుంబం వివాహం కోసం కర్నూలు వెళ్లింది. వారికేమి తెలుసు తిరిగి వచ్చేసరికి ఇళ్లుగుళ్లవుతుందని. ఎంతో సంతోషంగా వివాహానికి వెళ్లిన ఆ కుటుంబానికి ఇక్కడి స్థానికులు ఫోన్ చేసిన చెప్పిన సమాచారంతో అవాక్కయ్యారు. వెనువెంటనే హైదరాబాద్‌కు (Hyderabad) తిరుగుపయనమయ్యారు. అసలేం జరిగిందంటే..

రాజేంద్రనగర్‌లో దొంగలు రెచ్చిపోయారు. హైదర్‌గూడ, కేశవ్‌నగర్ కాలనీలో ఇంటి తాళాలు పగలగొట్టి మరీ దుండగులు దొంగతనానికి పాల్పడ్డారు. ఇంట్లో అందినకాడికి దోచుకుని పరారయ్యారు. రెండు తులాల బంగారం, వెండి ఆభరణాలతో పాటు ఒరిజినల్ ఇంటి పత్రాలను దుండగులు ఎత్తుకెళ్లారు. వరుసగా మూడు ఇండ్లకు బయటి నుంచి గడియపెట్టి మరీ దుండగుల ముఠా తమ పని కానిచ్చింది. కాగా.. బాధిత కుటుంబం వివాహం నిమిత్తం ఇంటికి తాళాలు వేసి కర్నూలు వెళ్లగా.. దుండగులు ఈ దుశ్చర్యకు పాల్పడ్డారు. సమాచారం అందిన వెంటనే రాజేంద్రనగర్ పోలీసులు అక్కడకు చేరుకుని కేసు నమోదు చేసి దర్యాప్తు చేపట్టారు.

మరిన్ని తెలంగాణ వార్తల కోసం ఇక్కడ క్లిక్ చేయండి..