YS Sharmila: జూపల్లి రామేశ్వరరావుని కలిసిన షర్మిల
ABN , Publish Date - Jan 11 , 2024 | 07:24 PM
కాంగ్రెస్ నేత వైఎస్ షర్మిల ( YS Sharmila ) మై హోం గ్రూపు వ్యాపార సంస్థల చైర్మన్ డాక్టర్ జూపల్లి రామేశ్వరరావు ( Jupally Rameswara Rao ) ని గురువారం ఆయన నివాసంలో కలిశారు.
హైదరాబాద్: కాంగ్రెస్ నాయకురాలు వైఎస్ షర్మిలా రెడ్డి ( YS Sharmila ) తనయుడు వైఎస్ రాజారెడ్డి నిశ్చితార్థం జనవరి 18న, ఫిబ్రవరి 17న వివాహం జరగనున్న విషయం తెలిసిందే. దీనికి షర్మిల కుటుంబ సభ్యులు పెద్ద ఎత్తున సన్నాహాలు చేస్తున్నారు. ఈ సందర్భంగా షర్మిల తెలుగు రాష్ట్రాల్లోని పలువురు రాజకీయ ప్రముఖులను పెళ్లికి ఆహ్వానిస్తున్నారు. ఈ క్రమంలోనే షర్మిల నేడు మై హోం గ్రూపు వ్యాపార సంస్థల చైర్మన్ డాక్టర్ జూపల్లి రామేశ్వరరావు ( Jupally Rameswara Rao ) ని ఆయన నివాసంలో కలిశారు. తనయుడు వైఎస్ రాజారెడ్డి& ఆట్లూరి ప్రియ వివాహ మహోత్సవానికి కుటుంబ సమేతంగా విచ్చేసి నూతన వధూవరులను ఆశీర్వదించాలని కోరుతూ వైఎస్ షర్మిల ఆహ్వాన పత్రికను అందించారు.
