Hyderabad: మార్ట్‌లో పనిచేస్తున్న యువతిపై అత్యాచారం
ABN , Publish Date - Nov 03 , 2024 | 04:43 AM
మార్టులో పనిచేస్తున్న యువతిపై అక్కడే పని చేస్తున్న ఓ వ్యక్తి అత్యాచారానికి పాల్పడ్డాడు. మేడ్చల్‌ జిల్లా ఘట్‌కేసర్‌ పోలీస్ స్టేషన్‌ పరిధిలో ఈ దారుణ ఘటన జరిగింది.
అక్కడే పనిచేస్తున్న వ్యక్తి దారుణం.. వాష్‌రూంకు వెళ్లగా బెదిరించి అత్యాచారం
నెల క్రితం ఘటన.. గర్భం దాల్చిన యువతి
ఘట్‌కేసర్‌ రూరల్‌, నవంబరు 2 (ఆంధ్రజ్యోతి): మార్టులో పనిచేస్తున్న యువతిపై అక్కడే పని చేస్తున్న ఓ వ్యక్తి అత్యాచారానికి పాల్పడ్డాడు. మేడ్చల్‌ జిల్లా ఘట్‌కేసర్‌ పోలీ్‌సస్టేషన్‌ పరిధిలో ఈ దారుణం జరిగింది. బాధితురాలి బంధువుల వివరాల ప్రకారం.. ఘట్‌కేసర్‌ పరిధికి చెందిన ఖాజాబషీర్‌ (35) ఓ మార్ట్‌లో సూపర్‌వైజర్‌గా పనిచేస్తున్నాడు. అదేమార్ట్‌లో పనిచేసే అవివాహిత (20) నెలరోజుల క్రితం మార్ట్‌లోని వాష్‌రూంకు వెళ్లగా బషీర్‌ అత్యాచారానికి పాల్పడ్డాడు. దారుణం గురించి ఎవరికైనా చెబితే చంపేస్తానని బెదిరించాడు. శనివారం మధ్యాహ్నం యువతి మార్ట్‌లో కళ్లుతిరిగి పడిపోయింది.
ఆస్పత్రికి తరలింపు..
మార్ట్‌ నిర్వాహకులు తల్లిదండ్రులకు సమాచారమిచ్చి స్థానిక ఆస్పత్రికి తరలించగా వైద్యులు పరీక్షించి ఆమె గర్భం దాల్చినట్లు నిర్ధారించారు. యువతిని ప్రశ్నించడంతో మార్ట్‌లోని సూపర్‌వైజర్‌ ఖాజాబషీర్‌ అఘాయిత్యానికి పాల్పడినట్లు చెప్పింది. తల్లిదండ్రులు మార్ట్‌ వద్దకొచ్చి ఆందోళనకు దిగారు. విషయం తెలుసుకున్న పోలీసులు నిందితుడు బషీర్‌ను అదుపులోకి తీసుకున్నారు. బాధితురాలి ఫిర్యాదు మేరకు కేసు నమోదు చేసుకొని నిందితుడిని రిమాండ్‌కు తరలించనున్నట్లు సీఐ పరశురాం తెలిపారు.
ఇది కూడా చదవండి
RK Kothaapluku : మరీ ఇంత నీచమా?
