TG News: ఖమ్మం జిల్లాలో గుండెనొప్పితో తల్లడిల్లిన యువకుడు.. సీపీఆర్‌తో తప్పిన ప్రాణపాయం
ABN , Publish Date - Jun 16 , 2024 | 08:23 PM
ప్రాణపాయంలో ఉన్న యువకుడికి గ్రామీణ వైద్యుడు రాంబాబు సీపీఆర్ చేసి యువకుడి ప్రాణాలు కాపాడారు. ఈ సంఘటన బల్లేపల్లిలో జరిగింది. వైద్యుడు సకాలంలో స్పందించి సీపీఆర్ చేయడంతో యువకుడికి ప్రాణపాయం తప్పింది. దీంతో వైద్యుడికి స్థానికులు అభినందనలు తెలిపారు.
ఖమ్మం జిల్లా: ప్రాణపాయంలో ఉన్న యువకుడికి గ్రామీణ వైద్యుడు రాంబాబు సీపీఆర్ చేసి యువకుడి ప్రాణాలు కాపాడారు. ఈ సంఘటన బల్లేపల్లిలో జరిగింది. వైద్యుడు సకాలంలో స్పందించి సీపీఆర్ చేయడంతో యువకుడికి ప్రాణపాయం తప్పింది. దీంతో వైద్యుడికి స్థానికులు అభినందనలు తెలిపారు.
వివరాల్లోకి వెళ్తే... ఖమ్మం జిల్లాలోని బల్లేపల్లి వద్ద ఉన్న రిలయన్స్ మార్ట్‌లో విగ్నేష్ అనే వ్యక్తి పనిచేస్తున్నాడు. ఆకస్మాత్తుగా వచ్చిన గుండె నొప్పితో తల్లడిల్లిపోయాడు. అయితే వెంటనే గ్రామీణ వైద్యుడు రాంబాబు స్పందించి యువకుడికి సీపీఆర్ చేశాడు. సరైన సమయంలో వైద్యుడు సీపీఆర్ చేయడంతో విగ్నేష్ స్పృహ లోకి వచ్చాడు. అతన్ని సిబ్బంది ఆస్పత్రికి తరలించారు. సీపీఆర్ చేసి యువకుడి ప్రాణాలు కాపాడిన గ్రామీణ వైద్యుడు రాంబాబును పలువురు అభినందించారు.
