Nirmala Jaggarreddy: టీజీఐఐసీ చైర్‌పర్సన్‌గా నిర్మలా జగ్గారెడ్డి బాధ్యతల స్వీకరణ
ABN , Publish Date - Jul 12 , 2024 | 03:38 AM
టీజీఐఐసీ చైర్‌పర్సన్‌గా తూర్పు నిర్మలా జగ్గారెడ్డి బాధ్యతలు స్వీకరించారు. బషీర్‌బాగ్‌లోని ఐఐసీ భవన్‌కు గురువారం వచ్చిన ఆమె తన చాంబర్‌లో పరిశ్రమల శాఖ మంత్రి శ్రీధర్‌బాబు సమక్షంలో బాధ్యతల స్వీకరణ పత్రంపై సంతకం చేశారు.
పరిశ్రమల శాఖ మంత్రి శ్రీధర్‌బాబు సమక్షంలో సంతకం
అభినందించిన మంత్రులు ఉత్తమ్‌, పొన్నం, నాయకులు
హైదరాబాద్‌, జూలై 11 (ఆంధ్రజ్యోతి): టీజీఐఐసీ చైర్‌పర్సన్‌గా తూర్పు నిర్మలా జగ్గారెడ్డి బాధ్యతలు స్వీకరించారు. బషీర్‌బాగ్‌లోని ఐఐసీ భవన్‌కు గురువారం వచ్చిన ఆమె తన చాంబర్‌లో పరిశ్రమల శాఖ మంత్రి శ్రీధర్‌బాబు సమక్షంలో బాధ్యతల స్వీకరణ పత్రంపై సంతకం చేశారు. ఈ సందర్భంగా శ్రీధర్‌బాబు ఆమెను అభినందించారు. వేద పండితుల ఆశీర్వచనాలు, సంగారెడ్డి నుంచి తరలి వచ్చిన నేతలు, కార్యకర్తలు, కుటుం బ సభ్యుల అభినందనల మధ్య నిర్మలా జగ్గారెడ్డి బాధ్యతలు స్వీకరించారు.
మంత్రులు ఉత్తమ్‌కుమార్‌రెడ్డి, పొన్నం ప్రభాకర్‌, టీపీసీసీ కార్యనిర్వాహక అధ్యక్షుడు మహేశ్‌కుమార్‌గౌడ్‌, మాజీ కార్యనిర్వాహక అధ్యక్షుడు జెట్టి కుసుమ్‌కుమార్‌ తదితరులు ఆమెకు అభినందనలు తెలిపారు.
