TDP Chief: సీఎం జగన్‌పై విరుచుకుపడ్డ చంద్రబాబు

అనంతపురం: ప్రజాసమస్యలపై మాట్లాడితే రౌడీలతో దాడులు చేస్తున్నారని టీడీపీ అధినేత చంద్రబాబు నాయుడు (TDP Chief Chandrababu naidu) ఆగ్రహం వ్యక్తం చేశారు. బుధవారం పల్లె ప్రగతి కోసం ప్రజావేదికలో టీడీపీ అధినేత మాట్లాడుతూ.. మాజీ మంత్రి వివేకానందరెడ్డిని హత్య చేసి మరుసటి రోజు నారాసుర రక్త చరిత్ర అని రాస్తారన్నారు. అనేక రకాలుగా అపవాదులు వేశారని... రివర్స్‌లో కేసులు పెడుతున్నారని మండిపడ్డారు. అంగళ్లలో తన మీద హత్యాప్రయత్నం చేసి పైగా తన మీదే 307 కేసు పెట్టారన్నారు. తాను చెబితేనే దాడులు చేసినట్లు ఒత్తడి చేస్తూ స్టేట్‌మెంట్ రాయిస్తున్నారన్నారు. యువగళంకు వచ్చి దాడులు చేసి వాళ్లపైనే కేసులు పెడుతున్నారన్నారు. ముఖ్యమంత్రి కరుడుగట్టిన సైకో అని... సైకో నుంచి ఈ రాష్ట్రాన్ని కాపాడాల్సిన అవసరం ఉందన్నారు. రివర్స్ టెండరింగ్ పెట్టి రివర్స్ పాలనకు తెరతీశారని విరుచుకుపడ్డారు. బటన్ నొక్కడం ఒక్కటే తెలుసని ... ఇచ్చిన డబ్బులకంటే పేపర్ ప్రకటనలకు ఎక్కువ ఇచ్చారన్నారు. తాను ష్యూరిటీ ఇస్తున్నా పేదలను ధనవంతులుగా మారుస్తానని తెలిపారు. తమ పైన కేసులు పెట్టి లండన్‌లో ఏం ట్రీట్మెంట్ తీసుకుంటున్నారో.. ఏం చేస్తున్నారో అంటూ చంద్రబాబు నాయుడు విరుచుకుపడ్డారు.