Purandeswari: స్వామినాథన్ వ్యవసాయాన్ని లాభసాటిగా మార్చారు

అమరావతి: ఎంఎస్ స్వామినాథన్(MS Swaminathan) వ్యవసాయాన్ని లాభసాటిగా మార్చడం తదితర అంశాల్లో వారు చేసిన కృషిని దేశం ఎప్పటికీ గుర్తుంచు కుంటుందని. బీజేపీ ఏపీ అధ్యక్షురాలు దగ్గుబాటి పురంధరేశ్వరి(Daggubati Purandeswari) వ్యాఖ్యానించారు. గురువారం నాడు బీజేపీ పార్టీ కార్యాలయంలో ఆమె మీడియాతో మాట్లాడుతూ.. ‘‘భారతదేశ హరిత విప్లవ పితామహుడు, ప్రఖ్యాత వ్యవసాయ శాస్త్రవేత్త ఎంఎస్ స్వామినాథన్ అస్తమించారని తెలిసి తీవ్ర విచారం వ్యక్తం చేస్తున్నాను. భారతదేశంలో పెరుగుతున్న జనాభా అవసరాలకు అనుగుణంగా వ్యవసాయ ఉత్పత్తిని పెంచడంలో కృషి చేశారు. వ్యవసాయ రంగంలో జరిగే పరిశోధనలకు వారు ఓ మార్గదర్శి. కుటుంబసభ్యులకు ప్రగాఢ సానుభూతి వ్యక్తం చేశారు. స్వామినాథన్ ఆత్మకు శాంతి చేకూరాలని ప్రార్థిస్తున్నాను’’ అని పురంధరేశ్వరి తెలిపారు.