Dhulipalla Narendra: ‘జగన్ సూక్తులు బాగా చెప్పారు’

గుంటూరు: ఎమ్మెల్యేల సమావేశంలో ముఖ్యమంత్రి జగన్ మోహన్ రెడ్డి (AP CM Jagan Mohan Reddy)సూక్తులు బాగా చేప్పారని మాజీ ఎమ్మెల్యే ధూళిపాళ్ళ నరేంద్ర (Former MLA Dhulipalla Narendra) వ్యాఖ్యలు చేశారు. బుధవారం మీడియాతో మాట్లాడుతూ.. సీఎం దోపిడి విధానాన్ని పొన్నూరు ఎమ్మెల్యే కిలారి రోశయ్య (Ponnur MLA Kilari Roshaiah) కొనసాగిస్తున్నారని అన్నారు. ఇక్కడ ఉన్న నాయకుడు అధికారాన్ని స్వార్థానికి ఉపయోగిస్తున్నారని ఆరోపించారు. ఎమ్మెల్యే కిలారి 14, 15 ఫైనాన్స్ కమీషన్ నిధులను కాంట్రాక్టర్లకు దోచి‌పెడుతున్నారని మండిపడ్డారు. కిలారి ప్రజా‌ సొమ్ముల దోపిడీ‌లో చాలా‌ బిజీగా ఉన్నారని యెద్దేవా చేశారు. కాంట్రాక్టు అంచనాలు పెంచి కిలారీ నిధులను దోచుకుంటున్నారన్నారు. ప్రజల‌‌ అవసరాలు కంటే తన స్వప్రయోజనాల‌‌ కోసం నిధులు దోచేస్తున్నారని ఆగ్రహం వ్యక్తం చేశారు. ఆరాచకానికి ప్రతి రూపం పొన్నూరు మునిసిపల్ కమిషనర్ అని వ్యాఖ్యలు చేశారు. నిర్మాణంలో‌ ఉన్న ప్రాంతానికి అధికారులను పంపి బెదిరించి లంచాలు డిమాండ్ చేస్తున్నారని తెలిపారు. అవినీతి అధికారులపై చర్యలు ‌తీసుకోకపోతే న్యాయపోరాటం చేస్తామని ధూళిపాళ్ల నరేంద్ర స్పష్టం చేశారు.