Chandrababu Arrest: సోమిరెడ్డి చంద్రమోహన్ ఇంటి వద్ద ఉద్రిక్తత

నెల్లూరు: టీడీపీ అధినేత చంద్రబాబు నాయుడు (TDP Chief Chandrababu Naidu) అరెస్ట్‌తో టీడీపీ నేతలు ఎక్కడిక్కడ ఆందోళనలు చేస్తున్న నేపథ్యంలో పోలీసులు అప్రమత్తమయ్యారు. మాజీ మంత్రి సోమిరెడ్డి చంద్రమోహన్ రెడ్డి (Former Minister Somireddy Chandramohan Reddy) ఇంటి వద్ద ఉద్రిక్తత వాతావరణం నెలకొంది. సోమిరెడ్డి చంద్రమోహన్ రెడ్డిని రూరల్ పోలీస్ పోలీసులు హౌస్ అరెస్ట్ చేశారు. సోమిరెడ్డిని కలిసేందుకు వచ్చిన కార్యకర్తలను పోలీసులు తరిమేశారు. దీంతో తమ నేత ఇంటి వద్ద సోమిరెడ్డి చంద్రమోహన్ రెడ్డి కార్యకర్తలు నిరసనకు దిగారు.

కాగా.. నంద్యాలలో ఈరోజు తెల్లవారుజామున టీడీపీ అధినేత చంద్రబాబును పోలీసులు అరెస్ట్‌‌తో రాష్ట్ర వ్యాప్తంగా కలకలం నెలకొంది. నంద్యాలలో చంద్రబాబు బస చేసిన ఫంక్షన్‌ హాల్‌ వద్ద పోలీసులు భారీగా మోహరించి ఆయనను అదుపులోకి తీసుకున్నారు. స్కిల్ డెవలప్మెంట్ కేసు ఫైళ్ళను పోలీసులు నంద్యాల తీసుకువెళ్లారు. ఇటీవల స్కిల్ డెవలప్మెంట్ కేసులో కొంతమందికి కోర్టు ముందస్తు బెయిల్‌ను నిరాకరించింది. ఇదే కేసులో ఒక ఆడిటర్‌ను సీఐడీ అధికారులు ఇటీవల అదుపులోకి తీసుకున్నారు. ఆయనతో ఏదైనా స్టేట్‌మెంట్ ఇపపించారేమోనని అనుమానాలు వ్యక్తమవుతున్నాయి.