CPI Ramakrishna : ఏపీలో అరాచక పాలన చేస్తున్న జగన్మోహన్‌రెడ్డి

ప్రకాశం : ఏపీలో జగన్మోహన్‌రెడ్డి(ap cm jagan) అరాచక పాలన చేస్తున్నారని సీపీఐ రాష్ట్ర కార్యదర్శి రామకృష్ణ(cpi Ramakrishna) అన్నారు. మంగళవారం నాడు ప్రకాశం జిల్లాలో పర్యటించారు. ఈ సందర్భంగా రామకృష్ణ మీడియాతో మాట్లాడుతూ..రాష్ట్రంలో ప్రజాస్వామ్యానికి ప్రమాదం ఏర్పడిందన్నారు. ప్రజాస్వామ్యాన్ని జగన్ పాతిపెట్టారని మండిపడ్డారు. సీఎం జగన్ రాబోయే ఎన్నికల్లో అక్రమ పద్ధతుల్లో గెలవడానికి అన్ని రకాల అవకతవకలకు పాల్పడుతున్నారన్నారు. రాష్ట్రంలో అభివృద్ధి జరగాలంటే వైసీపీని గద్దె దించాలని సూచించారు.జగన్‌ను ఎంత తొందరగా గద్దె దించితే ఏపీకి అంత మంచిదన్నారు.ఎన్నికల కమిషన్ స్వతంత్రంగా పనిచేయాలన్నారు. రాష్ట్ర ఎన్నికల కమిషనర్‌గా చేసిన రమేష్ తన ఓటును పరిశీలించుకున్నారంటే ఎన్నికల కమిషన్ తలదించుకోవాలని రామకృష్ణ తెలిపారు.