Atchannaidu: ‘షేమ్ ఆన్ యూ జగన్ రెడ్డీ’.. ప్రతిచర్య ఉంటుంది గుర్తుంచుకో..

అమరావతి: టీడీపీ అధినేత చంద్రబాబు నాయుడిపై (TDP Chief Chandrababu naidu) కేసు నమోదు చేయడం పట్ల ఆ పార్టీ రాష్ట్ర అధ్యక్షులు అచ్చెన్నాయుడు (AP TDP Chief Atchannaidu) తీవ్ర స్థాయిలో విరుచుకుపడ్డారు. బుధవారం మీడియాతో మాట్లాడుతూ.. ‘‘షేమ్ ఆన్ యూ జగన్ రెడ్డీ’’ .. తప్పుడు కేసులతో తెలుగుదేశం పార్టీని అడ్డుకోలేవ్ అని అన్నారు. నేటి ప్రతీ చర్యకూ రేపు ప్రతిచర్య ఉంటుందని గుర్తుంచుకో అంటూ హెచ్చరించారు. నేడు టీడీపీ కార్యకర్త చిందించిన ప్రతి రక్తపు బొట్టుకూ రేపు సమాధానం చెప్తామన్నారు. పుంగనూరు, అంగళ్లులో దాడులకు ఉసిగొల్పింది జగన్ రెడ్డే (CM Jagan Reddy) అని ఆరోపించారు. చంద్రబాబుపై కేసు నమోదు జగన్ రెడ్డి పిరికితనానికి నిదర్శనమన్నారు.ర సాగునీటి ప్రాజెక్టుల విధ్వంసంపై యుద్ధభేరితో జగన్ రెడ్డి వెన్నులో వణుకు మొదలైందన్నారు. చంద్రబాబు ప్రశ్నలకు సమాధానం చెప్పలేక తప్పుడు కేసులు పెట్టారని మండిపడ్డారు. రోడ్ షోలకు వస్తున్న జనాదరణ చూసి ఫ్రస్ట్రేషన్.. జగన్ రెడ్డి పిల్ల చేష్టలు నవ్వు తెప్పిస్తున్నాయన్నారు. తెలుగుదేశం పార్టీ పర్యటన రూట్‌లో వైసీపీ కార్యకర్తలకు ఏం పని అని ప్రశ్నించారు. వైసీపీ ర్యాలీలు, ధర్నాలకు అధికారులు ఎలా అనుమతిస్తున్నారని నిలదీశారు. దాడులు చేసిన వారిని వదిలేసి, బాధితులపై కేసులు పెట్టడం జగ్లక్ రెడ్డికే చెల్లిందని అచ్చెన్నాయుడు వ్యాఖ్యలు చేశారు.