Telugu NRIs in US: కదం తొక్కిన ఎన్నారైలు.. చంద్రబాబుకు మద్దతుగా అమెరికా నగరాలలో ర్యాలీలు

వాషింగ్టన్ డీసీ: చంద్రబాబుకు మద్దతుగా అమెరికాలో తెలుగు ప్రజలు మేము సైతం అంటూ కదం తొక్కారు. అన్యాయంగా చంద్రబాబును అరెస్ట్ చేశారంటూ మండిపడ్డారు. వాషింగ్టన్ డీసీ, డల్లాస్, సెయింట్ లూయిస్, కనెక్టికట్‌తో పాటు ఇతర నగరాలలో భారీగా ర్యాలీలు నిర్వహించారు. తెలుగు ఎన్నారైలు పెద్ద ఎత్తున నిరసన చేపట్టారు. 'వియ్ వాంట్ జస్టీస్', 'వియ్ ఆర్ విత్ సీబీఎన్' నినాదాలు చేసుకుంటూ ర్యాలీ నిర్వహించారు. ఎలాంటి ఆధారాలు లేకుండా చంద్రబాబు అరెస్ట్ చేశారని ధ్వజమెత్తారు.

చంద్రబాబును వెంటనే జైలు నుంచి విడుదల చేయాలని ఈ సందర్భంగా వారు డిమాండ్ చేశారు. తాము ఈ రోజు అమెరికాకు వచ్చి ఉద్యోగాలు చేస్తున్నామంటే అదంతా చంద్రబాబు చేసిన కృషి వల్లే సాధ్యమైందని నిరసనలో పాల్గొన్న ప్రవాసాంధ్రులు అన్నారు. చంద్రబాబును విడుదల చేసే వరకు తాము కూడా బాబుకు అండగా ఉద్యమిస్తామని తెలిపారు.