Stunt Video: నడిరోడ్డుపై యువత డేంజరస్ స్టంట్.. సీసీటీవీలో షాకింగ్ దృశ్యాలు..!

Delhi Auto Rickshaw Stunt Video: ఇటీవల కొందరు రాత్రికి రాత్రే స్టార్‌గా మారిపోవాలనే ఉద్దేశంతో డేంజరస్ స్టంట్స్ చేస్తూ ప్రాణాలమీదకు తెచ్చుకుంటున్న ఘటన తరచూ వెలుగుచూస్తున్నాయి. ఒక్కొసారి స్టంట్ చేసేవారికి కాకుండా అవతలి వ్యక్తులు గాయపడటం లేదా ప్రాణాలు కోల్పోవడం జరుగుతుంది. ఇదే కోవకు చెందిన ఒక ఘటన తాజాగా దేశ రాజధాని ఢిల్లీలో జరిగింది. ఓ వ్యక్తి ఆటోలో వేలాడుతూ చేసిన డేంజరస్ స్టంట్ కారణంగా ఒక సైక్లిస్ట్ తీవ్రంగా గాయపడ్డాడు. ఈ ఘటన తాలూకు వీడియో ప్రస్తుతం సామాజిక మాధ్యమాల్లో తెగ హల్‌చల్ చేస్తోంది. వీడియో చూసిన నెటిజన్లు స్టంట్ చేసిన వ్యక్తిపై దుమ్మెత్తిపోస్తున్నారు. వీడియోలోని దృశ్యాల ఆధారంగా.. వీడియోలో ఓ వ్యక్తి ఆటోరిక్షాలో వేళ్తూ డేంజరస్ స్టంట్ చేయడం మనం చూడొచ్చు. ఒక చేతితో ఆటోను పట్టుకుని డోర్ దగ్గర నిలబడ్డ అతగాడు.. అటుఇటు ఊగడం చేశాడు. దాంతో రోడ్డుపై ఆ ఆటో పక్కన వెళ్తున్న వాహనదారులు ఇబ్బంది పడ్డారు.

ఇది కూడా చదవండి: Viral Video: విద్యార్థినిలతో కలిసి అదిరిపోయే స్టెప్పులు వేసిన టీచర్.. సోషల్ మీడియాను షేక్ చేస్తున్న వీడియో..!

ఈ క్రమంలో సైకిల్‌పై వెళ్తున్న ఓ వ్యక్తిని ఆటోలో డేంజరస్ స్టంట్ చేస్తున్న వ్యక్తి ఢీకొట్టాడు. దాంతో సైకిల్‌పై వెళ్తున్న వ్యక్తి కిండపడడంతో గాయపడ్డాడు. వెంటనే తోటి వాహనదారులు కిందపడ్డ వ్యక్తిని పైకిలేపడం వీడియోలో చూడొచ్చు. ఢిల్లీ సిగ్నేచర్ బ్రిడ్జిపై ఈ ఘటన చోటు చేసుకుంది. సీసీటీవీ కెమెరాల్లో రికార్డైన ఈ ఘటన తాలూకు దృశ్యాలు బయటకు రావడంతో ప్రస్తుతం నెట్టింట వైరల్ అవుతున్నాయి. వీడియో చూసిన నెటిజన్లు నడిరోడ్డుపై స్టంట్ చేసిన వ్యక్తిని తీవ్రంగా విమర్శిస్తున్నారు. మీ సరదా కోసం మిగతా వారి ప్రాణాలతో చెలగాటం ఆడటం ఏంటని? దుయ్యబడుతున్నారు. ఇలాంటి వారిని ఎట్టిపరిస్థితుల్లో వదిలిపెట్టకూడదని, తగిన శిక్ష విధంగా బుద్ధి చెబితే దారికి వస్తారని చెబుతున్నారు.

ఇది కూడా చదవండి: Viral Video: మంటగలిసిన మానవత్వం.. బోరు బావిలో నవజాత శిశువు.. 5గంటల రెస్క్యూ ఆపరేషన్ తర్వాత..

• మరిన్ని ప్రత్యేకం వార్తల కోసం ఇక్కడ క్లిక్ చేయండి.