ODI World Cup 2023: టీమిండియాదే ప్రపంచకప్.. తేల్చేసిన ప్రముఖ జ్యోతిష్యుడు

వన్డే ప్రపంచకప్ తుది సమరానికి మరికొన్ని గంటల సమయం మాత్రమే ఉంది. రెండు అత్యుత్తమ జట్లు ఆదివారం జరిగే ఫైనల్‌లో ఆడబోతున్నాయి. ఇటు భారత్, అటు ఆస్ట్రేలియా మరోసారి విశ్వవిజేతగా నిలవాలని ఉవ్విళ్లూరుతున్నాయి. ఈ రెండు జట్లలో ఏ టీమ్ గెలుస్తుందోనని అభిమానులు కూడా టెన్షన్ పడుతున్నారు. అయితే టీమిండియాదే ప్రపంచకప్ అని ఓ ప్రముఖ జ్యోతిష్యుడు స్పష్టం చేయడంతో అభిమానులు ఆనందం వ్యక్తం చేస్తున్నారు. ప్రముఖ జ్యోతిష్యుడు సుమిత్ బజాజ్ టీమిండియానే ప్రపంచకప్ గెలుస్తుందని.. అయితే ఈ మ్యాచ్ అత్యంత కఠినంగా ఉండబోతుందని తెలిపారు. ఆదివారం అహ్మదాబాద్‌లోని నరేంద్రమోదీ స్టేడియంలో మధ్యాహ్నం 2 గంటలకు ప్రారంభమయ్యే ఈ మ్యాచ్‌ టీమిండియాకు కఠినంగా ఉన్నప్పటికీ గెలుపు మాత్రం దక్కుతుందని సుమిత్ బజాజ్ పేర్కొన్నారు.

మరోవైపు ప్యాట్ కమిన్స్ తీసుకున్న నిర్ణయం ఆస్ట్రేలియా ఓటమికి దారితీస్తుందని ప్రముఖ జ్యోతిష్యుడు సుమిత్ బజాజ్ అంచనా వేశారు. ఈ నిర్ణయం తీసుకున్నందుకు మ్యాచ్ తర్వాత ప్యాట్ కమిన్స్ కూడా చింతిస్తాడని ఆయన స్పష్టం చేశారు. దీంతో ఆస్ట్రేలియా టాస్ గెలుస్తుందా అని పలువురు అభిమానులు ప్రశ్నిస్తున్నారు. ఒకవేళ టాస్ గెలిస్తే ప్యాట్ కమిన్స్ ఫీల్డింగ్ తీసుకునే అవకాశం ఉందని సోషల్ మీడియాలో నెటిజన్‌లు అభిప్రాయపడుతున్నారు. కాగా ఇప్పటికే భారత్, ఆస్ట్రేలియా జట్లు అహ్మదాబాద్‌ చేరుకుని ముమ్మరంగా ప్రాక్టీస్ చేస్తున్నాయి. ముఖ్యంగా ఆస్ట్రేలియా ఆటగాళ్లు స్విచ్ షాట్లు, రివర్స్ స్వీప్ షాట్లు ప్రాక్టీస్ చేస్తున్నారు. అటు శుక్రవారం కొందరు టీమిండియా ఆటగాళ్లు ప్రాక్టీస్ చేయగా.. మరికొందరు శనివారం ప్రాక్టీస్ చేస్తున్నారు. సెమీఫైనల్ ఆడిన జట్టుతోనే టీమిండియా ఫైనల్ ఆడనుందని సమాచారం అందుతోంది. ఒకవేళ ఏదైనా మార్పు చేయాలని భావిస్తే సిరాజ్ స్థానంలో అశ్విన్‌ను తీసుకుంటారని క్రికెట్ విశ్లేషకులు చెప్తున్నారు.

మరిన్ని క్రీడావార్తల కోసం ఇక్కడ క్లిక్ చేయండి.