KTR : మూడోసారి కేసీఆర్ గెలిస్తే ఢిల్లీ వచ్చి జెండా పాతుతారని వారిలో భయం పట్టుకుంది

నల్గొండ: మూడోసారి సీఎం కేసీఆర్ ( CM KCR ) గెలిస్తే ఢిల్లీ వచ్చి జెండా పాతుతారని బీజేపీ, కాంగ్రెస్ జాతీయ స్థాయి నేతల్లో భయం పట్టుకుందని బీఆర్ఎస్ పార్టీ వర్కింగ్ ప్రెసిడెంట్, మంత్రి కల్వకుంట్ల తారకరామారావు ( KTR ) వ్యాఖ్యానించారు. గురువారం నాడు నల్గొండ జిల్లాలోని దేవరకొండలో కేటీఆర్ ఎన్నికల ప్రచారంలో పాల్గొన్నారు. ఈ సందర్భంగా కేటీఆర్ మాట్లాడుతూ...‘‘గతంలో దేవరకొండ అంటే పసిపిల్లని అమ్ముకునేదిగా ఉండేది...ఈరోజు దేవరకొండ అంటే 100 కోట్ల అభివృద్ధి కనపడుతుంది. తొమ్మిదిన్నరేళ్లలో 12 వేల కోట్లతో దేవరకొండని కేసీఆర్ ప్రభుత్వం అభివృద్ధి చేసింది. కాంగ్రెస్ పార్టీకి ఒక్క ఛాన్స్ కాదు ఎన్ని 11 ఛాన్సులు ఇచ్చినా తెలంగాణలో అభివృద్ధి ఏమీ చేయలేదు. ఢిల్లీ పార్టీ వాళ్లు మామూలు వాళ్లు కాదు దేశముదుర్లు. ఢిల్లీ నుంచి గుంపులు గుంపులుగా వస్తున్నారు జాగ్రత్తగా ఉండాలి’’ అని కేటీఆర్ సూచించారు.