Thummala: తెలంగాణలో కాంగ్రెస్ సునామీ రాబోతుంది

ఖమ్మం: తెలంగాణలో కాంగ్రెస్ పార్టీ సునామీ రాబోతుందని ఖమ్మం కాంగ్రెస్ పార్టీ అభ్యర్థి, మాజీమంత్రి తుమ్మల నాగేశ్వరరావు ( Thummala Nageswara Rao ) పేర్కొన్నారు. బుధవారం నాడు రఘునాథపాలెం మండలం చిమ్మపూడి, రేగుల చెలక, కోయ చెలక, ఉదయ్ నగర్‌లో తుమ్మల రోడ్ షో నిర్వహించారు. ఈ సందర్భంగా తుమ్మల మాట్లాడుతూ.. ‘‘ఇందిరమ్మ రాజ్యం కావాలా.. వేధించే రాజ్యం కావాలా. రాష్ట్రంలో దారుణ మారణ కాండ అవినీతి అరాచక రాజ్యం ఇంకెన్నాళ్లు.కమీషన్ల కోసం ఖమ్మంలో కాంట్రాక్టర్లను బెదిరించారు. ఖమ్మంలో బరితెగించి రాజకీయం చేస్తున్నారు. ఇందిరాగాంధీ రోజుల్లో మాదిరి తెలంగాణలో కాంగ్రెస్ గాలి వీస్తోంది. కొత్తగూడెంలో సీపీఐ అభ్యర్థి కూనంనేని సాంబశివరావుకి కాంగ్రెస్ పార్టీ.. ఖమ్మంలో కాంగ్రెస్‌కు సీపీఐ ఓట్లు వేసీ కూటమి సత్తా చాటాలి.చిమ్మపూడిలో తాగునీరు రహదారులు ఏర్పాటు చేశాను. రజబ్ అలీ, వెంకటరెడ్డి లాంటి నేతలు ఈ ప్రాంత అభివృద్ధికి అడిగిన పనులు చేశాం.సోనియాగాంధీ సాటి మహిళల కష్టాలు తెలిసిన మహిళగా ఆరు గ్యారంటీ పథకాలు ప్రకటించారు. మహాలక్ష్మీ పథకంతో మహిళల జీవితాల్లో వెలుగులు వస్తాయి. కాంగ్రెస్ పార్టీ గెలుపుతో ఆరాచక పాలన తరిమికొట్టాలి’’ అని తుమ్మల నాగేశ్వరరావు పిలుపునిచ్చారు.

ఈ ఎన్నికల్లో బెదిరించి ఓట్లు వేయిస్తారట

‘‘అరాచక ,అవినీతి రాజ్యాన్ని తరిమి కొట్టాలి.. ఇందిరమ్మ రాజ్యం రాబోతుంది. సోనియా గాంధీ ఆలోచనలతో ఆరు గ్యారంటీ పథకాలు ప్రకటించారు.ఆడ బిడ్డల పెళ్లికి లక్ష రూపాయలతో పాటు తులం బంగారం ఇస్తాం. రైతు భరోసాతో రైతాంగానికి అండగా కాంగ్రెస్ ఉంటుంది.తెలంగాణ సంపద దొరల పాలు కాకుండా ప్రజలకు చెందేలా కాంగ్రెస్ పాలన ఉంటుంది. ఈ ఎన్నికల్లో బెదిరించి ఓట్లు వేయిస్తారట.వారి సంగతి మహిళలే చూస్తారు. సీతారామ ప్రాజెక్ట్‌తో బుగ్గవాగు నింపి సాగు నీటి కష్టాలు దూరం చేస్తాను. నా రాజకీయ లక్ష్యం గోదావరి జలాలతో ఉమ్మడి ఖమ్మం జిల్లా సస్య శ్యామలం చేయడమే. పువ్వాడ ఉదయ్ నగర్ పేదలకు ఎమ్మెల్యేగా ఉన్నపుడే ఇంటి స్థలాలు ఇప్పించాను.ఉదయ్ నగర్‌లో బెదిరించి స్థలాలు అమ్మే వాళ్ల సంగతి తేలాలి.సన్నాసులు ఎక్కడ ఏ కన్నంలో నక్కినా కక్కిస్తా. కాంగ్రెస్ ఇళ్ల స్థలాలు ఇస్తే ఈ సన్నాసులు అమ్ముతారా. అక్రమంగా పెట్టిన పోలీస్ కేసులు తీసేయిస్తాను. కాంగ్రెస్ పార్టీ గెలుపుతో మీ కష్టాలు దూరం చేస్తాను’’ అని తుమ్మల నాగేశ్వరరావు భరోసా ఇచ్చారు.

మరిన్ని పోరు తెలంగాణ వార్తల కోసం ఇక్కడ క్లిక్ చేయండి