Rajasingh: ఓవైసీ బ్రదర్స్‌కు రాజాసింగ్ సవాల్
ABN , First Publish Date - 2023-10-28T13:28:10+05:30 IST
గోషామహల్ బీజేపీ అభ్యర్థి రాజాసింగ్ తన ప్రచారాన్ని ముమ్మరం చేశారు. శనివారం గోషామహల్‌లో ప్రచారం నిర్వహించిన ఆయన ఎంఐఎంపై విరుచుకుపడ్డారు.
హైదరాబాద్: గోషామహల్ బీజేపీ అభ్యర్థి రాజాసింగ్ (Goshamahal BJP candidate Rajasingh) తన ప్రచారాన్ని ముమ్మరం చేశారు. శనివారం గోషామహల్‌లో ప్రచారం నిర్వహించిన ఆయన ఎంఐఎంపై (MIM) విరుచుకుపడ్డారు. గోషామహల్ నియోజకవర్గంలో ఎంఐఎం తన అభ్యర్థిని ఎందుకు నిలబెట్టలేదో ఆ పార్టీ అధినేత అసదుద్దీన్ (MIM Chief Asaduddin Owaisi) చెప్పాలని డిమాండ్ చేశారు. అసదుద్దీన్ ఓవైసీకి దమ్ముంటే తన మీద పోటీ చేయాలన్నారు. లేదా ‘‘నీ తమ్ముడినైనా నిలబెట్టు’’ అంటూ ఓవైసీ బ్రదర్స్‌కు (Owaisi Brothers) రాజాసింగ్ సవాల్ విసిరారు.
