Minister Talasani: స్టీల్ బ్రిడ్జి ఓపెనింగ్‌‌లో అలా చేశారా..

యువకుడిని కొట్టిన మంత్రి తలసాని

హైదరాబాద్: బీఆర్ఎస్(BRS) మంత్రి తలసాని శ్రీనివాస్ యాదవ్(Minister Talasani Srinivas Yadav) ఓ వ్యక్తిని కొట్టారు. ఈరోజు ఉదయం స్టీల్ బ్రిడ్జి ఓపెనింగ్‌(Steel Bridge Opening)కి మంత్రి కేటీఆర్ వచ్చారు. స్టీల్ బ్రిడ్జి వద్దకు కేటీఆర్‌ వెంట తలసానితో పాటు పలువురు బీఆర్ఎస్ నేతలు నడుస్తున్నారు. స్టీల్ బ్రిడ్జిని చూడటానికి జనం భారీ సంఖ్యలో వచ్చారు. ఈ క్రమంలో మంత్రి కేటీఆర్‌(Minister KTR)తో ఫొటోలు దిగేందుకు పలువురు ఉత్సాహం కనబరిచారు. అయితే మంత్రి తలసాని బ్రిడ్జి వద్దకు వెళ్తున్న క్రమంలో ఓ వ్యక్తి అడ్డు తగిలారు. తనకు అడ్డు వచ్చిన వ్యక్తిని వెనక్కి లాగి మంత్రి కొట్టారు. అక్కడున్న వారు వెంటనే పక్కకి జరిగి మంత్రి తలసానికి దారి ఇచ్చారు. అక్కడున్న మరికొంతమంది మంత్రి కొడుతున్న వీడియోను తీసి సోషల్ మీడియాలో పెట్టారు. దీంతో ప్రస్తుతం ఈ వీడియో సోషల్ మీడియాలో వైరల్(Viral on social media) అయింది. ఈ వీడియోపై ప్రతిపక్ష నేతలు(Opposition Leaders) ఆగ్రహం వ్యక్తం చేశారు.