BJP MLAs: బీజేపీ ఎమ్మెల్యేలు... కాంగ్రెస్‌కు ప్రచారం..!

బెంగళూరు: వారిద్దరూ బీజేపీ ఎమ్మెల్యేలు... గత ప్రభుత్వంలో మంత్రులుగాను వ్యవహరించారు. ప్రస్తుతం కాంగ్రెస్‌ పార్టీ అభ్యర్థుల తరపున బహిరంగంగానే ప్రచారం చేస్తున్నారు. బెంగళూరు యశ్వంతపుర బీజేపీ ఎమ్మెల్యే ఎస్‌టీ సోమశేఖర్‌(Bengaluru Yeswantapura BJP MLA ST Somasekhar), ఉత్తరకన్నడ జిల్లా యల్లాపుర ఎమ్మెల్యే శివరాం హెబ్బార్‌ తీరు సర్వత్రా విమర్శలకు దారి తీస్తోంది. వీరిద్దరూ ఇటీవల కొన్ని నెలలుగా సొంత పార్టీ బీజేపీతో పాటు నాయకులకు, కార్యక్రమాలకు దూరంగా ఉంటున్నారు. బెంగళూరు ఉత్తర కాంగ్రెస్‌ అభ్యర్థి రాజీవ్‌గౌడ(Bangalore North Congress candidate Rajeev Gowda) తరపున ఎస్‌టీ సోమశేఖర్‌ నిరంతరంగా ఎన్నికల ప్రచారం చేస్తున్నారు. అభ్యర్థితో కలసి బహిరంగసభల్లోనూ పాల్గొంటున్నారు. ఇదే తరహాలోనే ఉత్తర కన్నడ కాంగ్రెస్‌ అభ్యర్థి అంజలి నింబాల్కర్‌ తరపున శివరాం హెబ్బార్‌ ప్రచారంలో పాల్గొంటున్నారు. ఉత్తరకన్నడ బీజేపీ అభ్యర్థి విశ్వేశ్వర హెగ్డే కాగేరి పార్టీ రాష్ట్ర నాయకులకు పరిస్థితిని వివరించారు. శివరాం హెబ్బార్‌ వ్యతిరేకంగా వ్యవహరిస్తున్నారని తెలిపారు. వీరిద్దరూ బీజేపీని వీడి కాంగ్రెస్‏లో వెళ్లేందుకు సిద్ధమయ్యారు. కొన్ని కారణాలతో వాయిదాలు పడుతూ వస్తోంది.

ఇదికూడా చవండి: Former CM: ‘కుమార’ విందుకు ఎన్నికల అధికారుల చెక్‌.. తోటలో ఏర్పాటు చేసిన కుర్చీలు, షామియానాల తొలగింపు