Delhi : మోదీతో బీజేపీ రాష్ట్ర నేతల సమావేశం
ABN , Publish Date - Aug 06 , 2024 | 05:52 AM
ప్రధానమంత్రి నరేంద్ర మోదీతో ఏపీ బీజేపీ అధ్యక్షురాలు పురందేశ్వరి, కేంద్ర ఉక్కు, భారీ పరిశ్రమల శాఖల సహాయ మంత్రి శ్రీనివాస వర్మ, ఎంపీ సీఎం రమేష్‌ సమావేశమయ్యారు.
న్యూఢిల్లీ, ఆగస్టు 5(ఆంధ్రజ్యోతి): ప్రధానమంత్రి నరేంద్ర మోదీతో ఏపీ బీజేపీ అధ్యక్షురాలు పురందేశ్వరి, కేంద్ర ఉక్కు, భారీ పరిశ్రమల శాఖల సహాయ మంత్రి శ్రీనివాస వర్మ, ఎంపీ సీఎం రమేష్‌ సమావేశమయ్యారు. సోమవారం ఢిల్లీలో వీరు ప్రధానిని మర్యాదపూర్వకంగా కలిశారు. ఏపీ అన్ని రంగాల్లో సమగ్రాభివృద్ధి సాధించేందుకు సహాయ సహకారాలు అందించాలని కోరారు.
గత ఐదేళ్లలో జగన్‌ ఎలా విధ్వంసం చేశారో ప్రధానికి వివరించారు. విశాఖ స్టీల్‌ ప్లాంట్‌ అభివృద్ధికి సహకరించాలని కోరారు. బడ్జెట్‌లో రాష్ర్టానికి అందించిన మద్దతు పట్ల మోదీకి కృతజ్ఞతలు తెలిపారు. శ్రీనివాస వర్మ పుట్టినరోజు సందర్భంగా మోదీ శుభాకాంక్షలు తెలిపారు.
