మన సీఎం అభ్యర్థి ఎవరో తేల్చండి: ఉద్ధవ్‌ ఠాక్రే
ABN , Publish Date - Aug 17 , 2024 | 03:21 AM
త్వరలో ఎన్నికలు జరగనున్న మహారాష్ట్రలో మహా వికాస్‌ అఘాడీ (ఎంవీఏ) తరఫున సీఎం అభ్యర్థి ఎవరో ముందుగానే తేల్చాలని మాజీ సీఎం, శివసేన (యూబీటీ) అధినేత ఉద్ధవ్‌ థాక్రే డిమాండ్‌ చేశారు.
ముంబై, ఆగస్టు 16: త్వరలో ఎన్నికలు జరగనున్న మహారాష్ట్రలో మహా వికాస్‌ అఘాడీ (ఎంవీఏ) తరఫున సీఎం అభ్యర్థి ఎవరో ముందుగానే తేల్చాలని మాజీ సీఎం, శివసేన (యూబీటీ) అధినేత ఉద్ధవ్‌ థాక్రే డిమాండ్‌ చేశారు.
కాంగ్రెస్‌, ఎన్సీపీల నుంచి ఎవరిని ప్రకటించినా తన మద్దతు ఉంటుందన్నారు. ఎక్కువ సీట్లు గెలిచిన పార్టీ నాయకుడే సీఎం అనే పద్ధతిని పక్కనపెట్టాలని సూచించారు. శుక్రవారం ముంబైలో జరిగిన ఎంవీఏ భేటీలో ఉద్ధవ్‌ ఈ ప్రతిపాదన చేశారు.
ఎంవీఏ సీఎం అభ్యర్థిని తేల్చాలన్న ఉద్ధవ్‌ సూచనపై సమావేశంలో పాల్గొన్న ఎన్సీపీ (ఎస్పీ) అధ్యక్షుడు శరద్‌పవార్‌ మౌనం దాల్చారు. రాష్ట్రంలో పరిస్థితి మారాలంటే బీజేపీ సారథ్యంలోని మహాయుతి కూటమిని ఓడించడమే ఏకైక లక్ష్యం కావాలని పిలుపునిచ్చారు. సమాజ్‌వాదీ, వామపక్షాలతో కలిసి సంఘటిత శక్తిగా ప్రజల ముందుకెళ్దామని పేర్కొన్నారు.
