‘ఇది మంచి ప్రభుత్వం’ బ్రోచర్‌ ఆవిష్కరణ

అమరావతి: నూతన ప్రభుత్వాలు ఇటు రాష్ట్రంలో అటు కేంద్రంలో ఏర్పడి 100 రోజులు అయిన సందర్భంగా.. ఈ వంద రోజుల్లో కేంద్రం, రాష్ట్ర ప్రభుత్వం చేసిన కార్యక్రమాల గురించి ప్రజలకు వివరించే విధంగా ‘ఇది మంచి ప్రభుత్వం’ అనే పేరుతో ముఖ్యమంత్రి చంద్రబాబు నాయుడు పోస్టర్‌ను ఆవిష్కరించారు. ఆరు రోజులపాటు ప్రతి గడపకు వెళ్లే కార్యక్రమాన్ని రూపొందించారు. ప్రజా ప్రభుత్వాలు ఉన్నాయని, ప్రజల కోసమే పని చేస్తున్నాయని సీఎం పేర్కొన్నారు. ఈనెల 20వ తేదీ నుంచి 26 వరకు ‘ఇది మంచి ప్రభుత్వం’ కార్యక్రమం ద్వారా రెండు ప్రభుత్వాలు చేపట్టిన అభివృద్ధి, సంక్షేమ కార్యక్రమాలు, భవిష్యత్తులో చేపట్టబోయే వాటిని ప్రజాప్రతినిధులు ఇంటింటికీ తిరిగి ప్రజలకు వివరించాలని సీఎం చంద్రబాబు నేతలకు సూచించారు.