Viral News: వామ్మో.. రివర్స్ గేర్‌లో రయ్‌మంటూ మందుబాబు కారు.. తర్వాత ఏం జరిగిందంటే..?
ABN , Publish Date - Feb 22 , 2024 | 06:04 PM
ఓ మందుబాబు ఘజియాబాద్‌లో ర్యాష్‌గా డ్రైవింగ్ చేయడంతో పోలీసులకు స్థానికులు ఫిర్యాదు చేశారు. వెంటనే కారులో వచ్చిన పోలీసులు ఆ మందుబాబు కారును వెంబడించారు.
ఘజియాబాద్: మద్యం మత్తులో మందుబాబులు వీరంగం చేస్తుంటారు. అలాంటి ఘటనలకు సంబంధించి కొన్ని వీడియోలు బయటకు వచ్చాయి. మందు తాగి కారు (Car) డ్రైవింగ్ చేస్తే.. ఇక అంతే సంగతులు. అలా ఒకతను మందు తాగి కారు తీశాడు. ర్యాష్‌గా డ్రైవింగ్ చేయడంతో అతని గురించి పోలీసులకు (Police) సమాచారం ఇచ్చారు. ఈ ఘటన ఉత్తరప్రదేశ్‌లో (Uttar Pradesh) జరిగింది.
ఏం జరిగిందంటే..?
ఘజియాబాద్‌లో (Ghaziabad) ఒకతను నిర్లక్ష్యంగా కారు డ్రైవ్ చేస్తున్నాడని పోలీసులకు సమాచారం వచ్చింది. వెంటనే పోలీసులు వచ్చారు. ఆ ఐ-20 కారును గుర్తించారు. పోలీసులు రావడాన్ని గమనించిన మందుబాబు కారును రివర్స్ గేర్‌లో పోనిచ్చాడు. అలా చాలా దూరం ఆ కారు వెళ్లింది. రద్దీగా ఉన్న ఘజియాబాద్ ఎలివేటెడ్ రహదారిలో ఆ ఛేజింగ్ జరిగింది. కారు 2 కిలోమీటర్ల వరకు వెళ్లిన తర్వాత మందుబాబు తప్పించుకొని పోయాడు. కారు ఛేజ్ చేసే సమయంలో ఇతర ప్రయాణికుల కార్లు వస్తున్నాయి. దాంతో పోలీసులు మందుబాబును పట్టుకోలేక పోయారు. ఛేజింగ్ జరిగిన ప్రాంతంలో సీసీటీవీ ఫుటేజీని పోలీసులు పరిశీలిస్తున్నారు. ఆ మందుబాబును త్వరలో పట్టుకుంటామని పోలీసులు అంటున్నారు.
మరిన్ని వైరల్ న్యూస్ కోసం ఈ లింక్ క్లిక్ చేయండి.
