Pat Cummins: వీడియో: కమిన్స్ ముందు పాక్ ప్లేయర్ పిల్లిమొగ్గలు.. నెక్స్ట్ బాల్‌కే..

PAK vs AUS: ఆస్ట్రేలియా కెప్టెన్ ప్యాట్ కమిన్స్‌తో పెట్టుకోవాలంటే టాప్ ప్లేయర్లు కూడా భయపడతారు. అతడితో ఎందుకొచ్చిన తంటా అని వెనుకంజ వేస్తారు. ఎక్కడ బుల్లెట్ బంతులతో తమ పని పడతాడోనని వణికిపోతారు. నిప్పులు చెరిగే బంతులు వేయడంతో పాటు పట్టుదలతో బ్యాటింగ్ చేసి తమ నుంచి మ్యాచ్‌ను లాగేసుకుంటాడని జంకుతారు. అలాంటి కమిన్స్‌తో ఓ పాకిస్థాన్ కుర్ర బ్యాటర్ పెట్టుకున్నాడు. సీనియర్ ప్లేయర్లు కూడా బ్యాక్ స్టెప్ వేసే చోట కమిన్స్ ముందు అతడు తోకాడించాడు. అతడి ముందు పిల్లిమొగ్గలు వేశాడు. దీంతో సీరియస్‌గా తీసుకున్న కంగారూ సారథి అతడికి దిమ్మతిరిగే షాక్ ఇచ్చాడు. అసలు ఏం జరిగిందో ఇప్పుడు చూద్దాం..

అనవసరంగా రెచ్చగొట్టాడు

పాకిస్థాన్-ఆస్ట్రేలియా మధ్య తొలి వన్డే ముగిసింది. మూడు మ్యాచుల ఈ సిరీస్‌లోని ఓపెనర్ ప్రఖ్యాత ఎంసీజీలో జరిగింది. చివరి వరకు ఉత్కంఠగా జరిగిన ఈ మ్యాచ్‌లో ఆతిథ్య జట్టు 2 వికెట్ల తేడాతో నెగ్గింది. మ్యాచ్ రిజల్ట్‌ గురించి పక్కనబెడితే.. పాక్ ఇన్నింగ్స్ సమయంలో జరిగిన ఓ ఘటన కాస్తా వైరల్ అయింది. కమిన్స్‌తో దాయాది జట్టు యంగ్ బ్యాటర్ కమ్రాన్ ఘులాం మధ్య చిన్నపాటి వార్ జరిగింది. ఇన్నింగ్స్ 19వ ఓవర్ వేసేందుకు వచ్చాడు కమిన్స్. అతడి బౌలింగ్‌లో డిఫెన్స్ చేసేందుకు ప్రయత్నించిన కమ్రాన్.. ఆసీస్ కెప్టెన్‌ను టీజ్ చేశాడు.

బంతితోనే సమాధానం

బాల్‌ను డిఫెన్స్ చేసిన తర్వాత కమిన్స్‌కు ఏదో చెబుతూ, బ్యాట్‌తో సైగలు చేస్తూ కనిపించాడు కమ్రాన్. అయితే అతడు రెచ్చగొట్టినా కంగారూ కెప్టెన్ మాత్రం అతడిపై సీరియస్ అవ్వలేదు. పైగా కూల్‌గా నవ్వుతూ కనిపించాడు. తన అగ్రెషన్‌ను బాల్‌తో చూపించాడు. నెక్స్ట్ డెలివరీకే ఆ కుర్ర బ్యాటర్ పనిపట్టాడు. అద్భుతమైన బౌన్సర్‌తో అతడ్ని ఔట్ చేశాడు. బుల్లెట్ పేస్‌తో దూసుకొచ్చిన బంతిని ఆడలేక పెవిలియన్ బాట పట్టాడు పాక్ బ్యాటర్. ఇది చూసిన నెటిజన్స్ కమిన్స్ కాకాతో పెట్టుకుంటే ఇలాగే ఉంటుందని అంటున్నారు. సీనియర్ ప్లేయర్లకు రెస్పెక్ట్ ఇవ్వాలని, వాళ్ల ముందు పిల్లిమొగ్గలు వేస్తే ఇలా ఇచ్చి పడేస్తారని కామెంట్స్ చేస్తున్నారు.

Also Read:

గంభీర్‌కు బీసీసీఐ గుబులు.. తప్పించుకోవడానికి నో ఛాన్స్

టీమిండియాను వదలని శాపం.. ఇంకెన్ని దారుణాలు చూడాలో..

భార్యతో విడాకులు.. ప్రేయసితో కెమెరాకు చిక్కిన క్రికెటర్..

For More Sports And Telugu News