Etala Rajender: కేసీఆర్‌ను ఓడించేందుకే కాంగ్రె్‌సను గెలిపించారు

• బీజేపీ నేత ఈటల రాజేందర్‌

నల్లగొండ, మే 16: రాష్ట్ర ప్రజలు కేసీఆర్‌ను ఓడించేందుకు గత్యంతరం లేని పరిస్థితిలోనే కాంగ్రె్‌సను గెలిపించారని మాజీ మంత్రి, మల్కాజిగిరి బీజేపీ ఎంపీ అభ్యర్థి ఈటల రాజేందర్‌ అన్నా రు. రాష్ట్రంలో అతి తక్కువ కాలంలోనే చీ కొట్టించుకున్నది కాంగ్రెస్‌ ప్రభుత్వమేనని, అలవి కాని హామీలిచ్చి ప్రజలను మోసం చేసిందని విమర్శించారు. గురువారం నల్లగొండలో ఆయన మీడియాతో మాట్లాడారు. కాంగ్రెస్‌ ప్రభుత్వం వచ్చిన వెంటనే మళ్లీ మోటార్లు కాలిపోవడం, పంటలు ఎండిపోవడం, కరెంటు పోవడం వంటివి నిరంతరం జరుగుతున్నాయన్నారు. 10శాతం కమీషన్‌ ఇస్తేనే బిల్లుల చెల్లింపులు జరుగుతున్నాయని ఆరోపించారు. తెలంగాణలో బీఆర్‌ఎస్‌ ఎక్కడా లేదన్నారు. రాష్ట్రంలో బీజేపీ గణనీయంగా పుంజుకుందని, తమ పార్టీకి 12 ఎంపీ సీట్లు రావడం ఖాయమని ధీమా వ్యక్తం చేశారు. దేశంలో ఎక్కడ చూసినా బీజేపీకి ఆదరణ ఉందని, మోదీ మూడోసారి ప్రధాని కావడం ఖాయమని పేర్కొన్నారు. పట్టభద్రుల ఎమ్మెల్సీ ఎన్నికల్లో బీజేపీ అభ్యర్థి ప్రేమేందర్‌రెడ్డికి పట్టం కట్టాలని ఆయన కోరారు.