Ts News: 8 రోజుల ఏసీబీ కస్టడీకి హెచ్ఎండీఏ మాజీ డైరెక్టర్ శివ బాలకృష్ణ

హైదరాబాద్: హెచ్ఎండీఏ మాజీ డైరెక్టర్ శివ బాలకృష్ణ (Shiva BalaKrishna) కస్టడీకి నాంపల్లి కోర్టు అంగీకరించింది. శివ బాలకృష్ణ ఆస్తులపై దర్యాప్తు జరిపేందుకు 10 రోజుల కస్టడీ ఇవ్వాలని ఏసీబీ అధికారుల కోరారు. 8 రోజులపాటు కస్టడీకి కోర్టు అనుమతించింది. శివ బాలకృష్ణ బినామీల విచారణ, ఆస్తులపై దర్యాప్తు చేయనుంది. ఇప్పటికే పలువురికి నోటీసులు జారీచేసింది. హెచ్ఎండీఏతోపాటు రేరా, మెట్రోలో జరిగిన అక్రమాలపై ఏసీబీ అధికారులు ఆరా తీస్తారు. హైరేస్ బిల్డింగ్ అనుమల్లో అక్రమాలపై విచారిస్తారు. వివాదాస్పద భూముల్లో అనుమతుల ఇచ్చారని ఏసీబీకి ఫిర్యాదులు వచ్చాయి. పుప్పాలగూడ 447 సర్వే నంబర్‌లో అనుమతులపై సూర్య ప్రకాశ్ అనే వ్యక్తి ఏసీబీ అధికారులకు ఫిర్యాదు చేశారు. శివ బాలకృష్ణను కస్టడీకి తీసుకొని విచారిస్తే మరిన్ని ఆస్తులు వివరాలు బయటపడే అవకాశం ఉంది. శివ బాలకృష్ణకు చెందిన బ్యాంక్ లాకర్లను ఈ రోజు అధికారులు తెరుస్తారు.

శివ బాలకృష్ణ మెట్రో రైల్ ప్లానింగ్ అధికారి, రెరా కార్యదర్శిగా ఉన్నారు. గతంలో హెచ్ఎండీఏ డైరెక్టర్‌గా పనిచేశారు. ఆ సమయంలో రూ.100 కోట్లకు పైగా ఆస్తులు కూడబెట్టారని ఏసీబీ అధికారులు చెబుతున్నారు. వారం రోజుల క్రితం శివ బాలకృష్ణ ఇళ్లు, కార్యాలయాలు, బంధువుల ఇళ్లలో ఏకకాలంలో సోదాలు నిర్వహించారు. ఆ సమయంలో రూ.40 లక్షల నగదు, 2 కిలోల బంగారం స్వాధీనం, కాస్ట్లీ వాచీలు చేసుకున్నారు. తనిఖీ చేపట్టిన కొద్ది శివ బాలకృష్ణ ఆస్తుల వివరాలు బయటపడుతున్నాయి.

మరిన్ని తెలంగాణ వార్తల కోసం ఈ లింక్ క్లిక్ చేయండి.