Fire Accident: బొంతపల్లి పారిశ్రామికవాడలో భారీ అగ్ని ప్రమాదం
ABN , Publish Date - May 26 , 2024 | 04:42 AM
సంగారెడ్డి జిల్లా గుమ్మడిదల మండలం బొంతపల్లి పారిశ్రామికవాడలోని ఓ స్ర్కాప్‌ దుకాణంలో శనివారం రాత్రి భారీ అగ్ని ప్రమాదం సంభవించింది. సుమారు గంట పాటు భారీ ఎత్తున నల్లటి పొగతో కూడిన మంటలు చెలరేగడంతో పక్కనే ఉన్న పరిశ్రమ కార్మికులు,
కెమికల్‌ డ్రమ్ములు, వ్యర్థాలు నిల్వ ఉంచిన స్క్రాప్ దుకాణంలో ఎగసిపడిన మంటలు
గుమ్మడిదల, మే 25: సంగారెడ్డి జిల్లా గుమ్మడిదల మండలం బొంతపల్లి పారిశ్రామికవాడలోని ఓ స్ర్కాప్‌ దుకాణంలో శనివారం రాత్రి భారీ అగ్ని ప్రమాదం సంభవించింది. సుమారు గంట పాటు భారీ ఎత్తున నల్లటి పొగతో కూడిన మంటలు చెలరేగడంతో పక్కనే ఉన్న పరిశ్రమ కార్మికులు, గ్రామస్థులు భయాందోళనకు గురయ్యారు. బొంతపల్లి పారిశ్రామిక వాడలో అక్రమంగా ఏర్పాటు చేసిన స్ర్కాప్‌ దుకాణంలో కెమికల్‌ డ్రమ్ములు, వ్యర్థాలను భారీగా నిల్వ ఉంచారు. ఈ క్రమంలోనే స్ర్కాప్‌ దుకాణంలో మంటలు చెలరేగి భారీగా ఎగిసిపడ్డాయి. అయితే ప్రమాదానికి గల కారణాలు తెలియరాలేదు. ఎలాంటి ప్రాణ నష్టం జరగలేదని, భారీ ఆస్తి నష్టం జరిగి ఉండొచ్చని అంచనా వేస్తున్నారు. ఆలస్యంగా సమాచారం అందుకున్న అగ్నిమాపక సిబ్బంది అక్కడికి చేరుకుని మంటలను ఆర్పేందుకు ప్రయత్నిస్తున్నారు. స్ర్కాప్‌ దుకాణం పూర్తిగా కాలిపోయింది.
