Rains: హైదరాబాద్‌లో దంచి కొడుతున్న వర్షం..
ABN , Publish Date - Sep 23 , 2024 | 07:22 PM
నగరంలో పలు ప్రాంతాల్లో భారీ వర్షం కురుస్తోంది. అమీర్‌పేట్, ఎస్సార్ నగర్, పంజాగుట్ట, మాదాపూర్, జూబ్లీహిల్స్, సైనిక్ పురి, గాజుల రామారం, అల్వాల్, దిల్‌సుఖ్‌నగర్ సహా తదితర ప్రాంతాల్లో దంచికొడుతోంది.
హైదరాబాద్: నగరంలో పలు ప్రాంతాల్లో భారీ వర్షం కురుస్తోంది. అమీర్‌పేట్, ఎస్సార్ నగర్, పంజాగుట్ట, మాదాపూర్, జూబ్లీహిల్స్, సైనిక్ పురి, గాజుల రామారం, అల్వాల్, దిల్‌సుఖ్‌నగర్ సహా తదితర ప్రాంతాల్లో దంచికొడుతోంది. మరోవైపు వర్షాలకు నగరంలో భారీగా ట్రాఫిక్ అంతరాయం ఏర్పడింది. ఉద్యోగులంతా ఇళ్లకు వెళ్లే సమయం కావడంతో ఒక్కసారిగా రోడ్లపైకి వాహనాలు చేరాయి. వర్షం కారణంగా ఎక్కడి వాహనాలు అక్కడే నిలిచిపోయాయి. మెట్రో లైన్లు, స్టేషన్ల కింద వాహనదారులు ఉండిపోయారు. మరోగంటపాటు వర్షం కురిసే అవకాశం ఉంది. ఇళ్ల నుంచి ఎవరూ బయటకు రావొద్దని వాతావరణ శాఖ అధికారులు చెప్తున్నారు.
