క్లైమాక్స్‌కు సర్వం సిద్ధమైంది. అధిష్ఠానం ఇచ్చి న ఆఖరి అవకాశాన్నీ కడప ఎంపీ జగన్ కాదన్నారు. ఓదార్పును ఆపేందుకు ససేమిరా అనేశారు. అధిష్ఠానం దూతగా ఇడుపులపాయకు వచ్చిన పార్టీ రాష్ట్ర వ్యవహారాల ఇన్‌చార్జ్ వీరప్ప మొయిలీ మాటను నిర్ద్వంద్వంగా తోసిపుచ్చారు. విశ్వసనీయ సమాచారం ప్రకారం.. శుక్రవారం నుంచి ప్రకాశం జిల్లాలో ఓ దార్పు యాత్రను ప్రారంభించి తీ రుతానని జగన్ స్పష్టంచేశారు.

హైదరాబాద్,సెప్టెంబర్ 2: అడ్మిషన్లే మొదలుకాలేదు. అమ్మకాలు పూర్తయిపోయాయి. ఇదీ కొన్ని ఇంజనీరింగ్ కాలేజీల్లో యాజమాన్య కోటా (బి-కేటగిరీ) సీట్ల పరిస్థితి. ప్రభుత్వ నియంత్రణ కొరవడడంతో.. ఇక్కడ యాజమాన్యాలు చెప్పిందే వేదంగా మారింది. పారదర్శకతకు పాతరేసి.. మెరిట్‌కు మొండిచేయి చూపి... సీట్లను బ్లాక్ చేస్తున్నాయి. సీట్లు అయిపోయాయని నమ్మబలుకుతున్నాయి. కానీ, లోపాయికారీగా ఒక్కో సీటును లక్షలాది రూపాయలకు అమ్ముకుంటున్నాయి.