Dhulipalla Narendra: సజ్జలకు ప్రస్టేషన్‌ ఎక్కువైంది

అమరావతి: ఏపీ ప్రభుత్వ సలహాదారు సజ్జల రామకృష్ణారెడ్డి తన స్థాయికి మించి మాట్లాడుతున్నారని టీడీపీ సీనియర్ నేత ధూళిపాళ్ల నరేంద్రకుమార్ (IDhulipalla Narendra)అన్నారు. శనివారం నాడు ఆయన తెలుగుదేశం పార్టీ కార్యాలయంలో మీడియాతో మాట్లాడుతూ.. సజ్జలకు ప్రస్టేషన్‌ ఎక్కువైంది.. దానికి కారణం ఒత్తిడి అవ్వొచ్చని ఎద్దేవ చేశారు. కారణాలు ఏమైనా ఇతరుల బతుకుల గురించి మాట్లాడే అంత గొప్ప బతుకు ఆయనది కాదు.. అయన యజమానిది కూడా కాదని సజ్జల తెలుసుకోవాలని సెటైర్లు వేశారు. బిడ్డల దగ్గరకు వెళ్లడానికి కూడా కోర్టు అనుమతి పొందాల్సిన నాయకుడి దగ్గర పని చేస్తూ.. ఇతరుల బతుకుల గురించి మాట్లాతుంటే జనం నవ్వుతున్నారన్నారు. రాబోయే ఎన్నికల ఫలితాల తర్వాత వైసీపీ నాయకుల బతుకు ఏంటనేది కూడా సజ్జల ఒకసారి ఆలోచించుకోవాలని ధూళిపాళ్ల నరేంద్ర హితవు పలికారు.