Kollu Ravindra: చంద్రబాబు అరెస్ట్ జగన్మోహన్ రెడ్డి ఉన్మాదానికి ఇదొక పరాకాష్ట
ABN , First Publish Date - 2023-09-09T10:12:07+05:30 IST
చంద్రబాబు అరెస్ట్ జగన్మోహన్ రెడ్డి ఉన్మాదానికి ఇదొక పరాకాష్ట. రాష్ట్ర ప్రజలందరూ అక్రమ అరెస్ట్‌ను ఖండిస్తూ తీవ్ర నిరసన తెలియజేస్తున్నారు. దాదాపు 45 సంవత్సరాల రాజకీయ జీవితంలో మచ్చలేని మనిషి చంద్రబాబు.
అమరావతి: టీడీపీ అధినేత చంద్రబాబు అరెస్ట్‌ను (Chandrababu) మాజీ మంత్రి, టీడీపీ సీనియర్ నేత కొల్లు రవీంద్ర (Kollu Ravindra) ఖండించారు. కొల్లు మీడియాతో మాట్లాడారు. ‘‘చంద్రబాబు అరెస్ట్ జగన్మోహన్ రెడ్డి (CM jagan) ఉన్మాదానికి ఇదొక పరాకాష్ట. రాష్ట్ర ప్రజలందరూ అక్రమ అరెస్ట్‌ను ఖండిస్తూ తీవ్ర నిరసన తెలియజేస్తున్నారు. దాదాపు 45 సంవత్సరాల రాజకీయ జీవితంలో మచ్చలేని మనిషి చంద్రబాబు. సంబంధంలేని విషయంలో అక్రమ కేసులు నమోదు చేశారు. ఎఫ్ఐఆర్ కాపీలో పేరు లేని చంద్రబాబుని అరెస్ట్ చేస్తున్నారు. వాస్తవాలన్నీ కూడా ప్రజలు గ్రహిస్తున్నారు. ప్రతిదీ నిశితంగా పరిశీలిస్తున్నారు.’’ అని కొల్లు వ్యాఖ్యానించారు.
