Nara Lokesh: దసరా రోజు వినూత్న కార్యక్రమానికి శ్రీకారం చుట్టిన నారా లోకేష్

అమరావతి: తెలుగుదేశం పార్టీ జాతీయ అధ్యక్షుడు, మాజీ ముఖ్యమంత్రి నారా చంద్రబాబు నాయుడు అక్రమ అరెస్టును నిరసిస్తూ విజయదశమి పండగ రోజున వినూత్న కార్యక్రమానికి తెలుగుదేశం పార్టీ జాతీయ కార్యదర్శి నారా లోకేష్ ( Nara Lokesh ) శ్రీకారం చుట్టారు. ‘‘దేశం చేస్తోంది రావ‌ణాసుర ద‌హ‌నం - మ‌నం చేద్దాం జ‌గ‌నాసుర ద‌హ‌నం’’ అనే కార్యక్రమానికి పిలుపునిచ్చారు. అరాచ‌క, విధ్వంస‌క పాల‌న సాగిస్తున్న సైకో జ‌గ‌నాసురుడి పీడ పోవాల‌ని నిన‌దిద్దామని చెప్పారు. అక్టోబ‌ర్ 23వ తేదీన విజ‌య‌ద‌శ‌మి ప‌ర్వ‌దినం సంద‌ర్భంగా రాత్రి 7 గంట‌ల నుంచి 7.05 నిమిషాల మ‌ధ్య‌లో వీధుల్లోకి వ‌చ్చి ``సైకో పోవాలి`` అని రాసి ఉన్న ప‌త్రాల‌ను ద‌హ‌నం చేయాలని నారా లోకేష్ పిలుపునిచ్చారు. ఆ వీడియో, ఫొటోల‌ను సోషల్‌ మీడియాలో షేర్ చేయాలని లోకేశ్ ప్రకటించారు. సైకో జ‌గ‌న్ అనే చెడుపై మంచి అనే చంద్ర‌బాబు సాధించ‌బోయే విజ‌యంగా ఈ ద‌స‌రా పండ‌గ‌ని సెల‌బ్రేట్ చేసుకుందాం’’ అని నారా లోకేష్ తెలిపారు.