Pattabhiram: స్కిల్ కేసులో వేలకోట్ల అవినీతంటూ దుష్ప్రచారం చేశారు
ABN , First Publish Date - 2023-10-06T20:33:35+05:30 IST
స్కిల్ డెవలప్‌మెంట్ అక్రమ కేసులో వేలకోట్ల అవినీతంటూ దుష్ప్రచారం చేశారని తెలుగుదేశం పార్టీ సీనియర్ నేత కొమ్మారెడ్డి పట్టాభిరాం(Pattabhiram) అన్నారు.
అమరావతి: స్కిల్ డెవలప్‌మెంట్ అక్రమ కేసులో వేలకోట్ల అవినీతంటూ దుష్ప్రచారం చేశారని తెలుగుదేశం పార్టీ సీనియర్ నేత కొమ్మారెడ్డి పట్టాభిరాం(Pattabhiram) అన్నారు. శుక్రవారం నాడు తెలుగుదేశం పార్టీ కార్యాలయంలో ఆయన మీడియాతో మాట్లాడుతూ..‘‘ ఏళ్ల తరబడి విచారించి చివరకు షెల్ కంపెనీల ద్వారా... 27 కోట్లు టీడీపీ ఖాతాల్లోకి వచ్చాయంటూ కొత్త వాదన తెచ్చారు. కానీ టీడీపీకి 2016-17లో విరాళాలు కేవలం రూ.27 లక్షలు మాత్రమే వచ్చాయి. 2016-17లో మొత్తంగా టీడీపీకి వచ్చిన ఆదాయం రూ.72,92,53,656. టీడీపీకి వచ్చిన విరాళాల వివరాలు.. ఆధారాలను ప్రజల ముందు ఉంచాం. మా వివరాలు తప్పు అని రుజువు చేయగల ధైర్యం వైసీపీవారికి ఉందా? ’’ అని పట్టాభిరాం ప్రశ్నించారు.
