హైదరాబాద్: బ్రిటన్ రాజధాని లండన్‌ (London) లో దారుణం జరిగింది. హైదరాబాద్‌కు చెందిన రైసుద్దీన్ అనే వ్యక్తి దారుణ హత్య (Murder) కు గురయ్యాడు. గుర్తు తెలియని దుండగులు అతనిపై దాడి చేసి చంపేశారు. రైసుద్దీన్ ఉపాధి కోసం కొన్నేళ్ల కింద లండన్ వెళ్లాడు. అక్కడే పనిచేస్తూ స్వదేశంలో కుటుంబాన్ని పోషిస్తున్నాడు. ఈ క్రమంలో ఇటీవల రైసుద్దీన్ కూతురి పెళ్లి నిశ్చయమైంది. దాంతో అతడు స్వదేశానికి వచ్చేందుకు ఏర్పాట్లు చేసుకున్నాడు. కూతురు పెళ్లి కోసం హైదరాబాద్ వచ్చేందుకు స్నేహితుడితో కలిసి లండన్ విమానాశ్రయానికి వెళ్తున్న సమయంలో దుండగులు రైసుద్దీన్‌పై దాడికి పాల్పడ్డారని సమాచారం.

అతని వద్ద ఉన్న నగదు, ఇతర విలువైన వస్తువులను దోచుకెళ్లారు. దుండగుల దాడిలో తీవ్రంగా గాయపడిన రైసుద్దీన్ మృతి చెందాడు. కూతురి పెళ్లి (Daughter Marriage) కి రైసుద్దీన్ కుటుంబ సభ్యులు ఏర్పాట్లు చేస్తున్నారు. ఈ తరుణంలో అతడు మృతి చెందినట్టుగా వారికి తాజాగా సమాచారం అందింది. దాంతో వారంతా షాక్ అయ్యారు. ఈ ఘటనతో పెళ్లింట కాస్తా విషాదం నెలకొంది. కుటుంబ సభ్యలు, బంధువులు, స్నేహితులు కన్నీరుమున్నీరు అవుతున్నారు. రైసుద్దీన్ మృతదేహన్ని స్వదేశానికి రప్పించేందుకు చర్యలు తీసుకోవాలని కుటుంబ సభ్యులు ప్రభుత్వాన్ని అభ్యర్థిస్తున్నారు.

Kuwait: గల్ఫ్ దేశంలో ఊహించని పరిణామం.. అపార్ట్‌మెంట్స్ ఖాళీ.. బోరుమంటున్న యజమానులు..!