మేరీల్యాండ్‌: అగ్రరాజ్యం అమెరికాలో భారత రాజ్యాంగ నిర్మాత డాక్టర్‌ బీర్ అంబేద్కర్‌ (BR Ambedkar) కు అరుదైన గౌరవం దక్కనుంది. యూఎస్‌లో అతి పెద్ద అంబేద్కర్ విగ్రహాన్ని ఆవిష్కరించనున్నారు. ఆయన సిద్ధాంతాలు ప్రతిబింబించేలా రూపొందించిన 19 అడుగుల భారీ విగ్రహం ఆవిష్కరణకు సిద్ధమైంది. ఇండియా అవతల ఏర్పాటు చేస్తున్న అతి పెద్ద అంబేద్కర్ విగ్రహం కూడా ఇదే. మేరీల్యాండ్‌లోని అకోకీక్‌ నగరం (Accokeek city) లో 13 ఎకరాల విస్తీర్ణంలో ఏర్పాటు చేసిన అంబేద్కర్‌ ఇంటర్నేషనల్‌ సెంటర్ (Ambedkar International Center) లో భాగంగా ఈ విగ్రహాన్ని నిర్మించడం జరిగింది.

అలాగే దీనికి ‘స్టాట్యూ ఆఫ్‌ ఈక్వాలిటీ’ (Statue of Equality) గా నామకరణం చేశారు. ఈ విగ్రహాన్ని అంబేద్కర్ జయంతి అయిన అక్టోబర్ 14వ తారీఖున ఆవిష్కరించేందుకు అన్ని ఏర్పాట్లు చేశారు. ఈ స్మారక చిహ్నం బాబాసాహెబ్ సందేశాలు, బోధనలను వ్యాప్తి చేయడానికి, అలాగే సమానత్వం, మానవ హక్కులకు చిహ్నంగా ప్రదర్శించబడుతుందని ఏఐసీ (AIC) పేర్కొంది. ఈ కార్యక్రమానికి అమెరికాతో పాటు ప్రపంచ దేశాల ప్రతినిధులు హాజరుకానున్నట్లు తెలిపింది. గుజరాత్‌లోని సర్దార్‌ పటేల్‌ విగ్రహాన్ని డిజైన్‌ చేసిన ప్రముఖ విగ్రహ రూపశిల్పి రామ్ సుతార్‌ ఈ విగ్రహాన్ని రూపొందించారు.

US: 9నెలల క్రితమే అమెరికా వెళ్లిన హైదరాబాదీ.. అంతలోనే ఊహించని విషాదం..!