Viral Video: పంజాబ్ రాష్ట్రం జలంధర్‌ (Jalandhar) లో జరిగిన ఘటన తాలూకు వీడియో ఒకటి ప్రస్తుతం సోషల్ మీడియా (Social Media) లో బాగా వైరల్ అవుతోంది. ఓ యువతి ఇన్‌‌స్టా రీల్స్‌‌ (Insta Reels) కు సంబంధించిన వీడియో అది. ఇన్‌‌స్టా రీల్స్‌ అంటే ఆ యువతి ఏదైనా సాహసోపేతమైన పనికి చేసి ఉంటుంది అనుకుంటే పొరపాటు. ఆమె చేసిన పని అంతకుమించి. ఇన్‌స్టా రీల్స్ కోసం పోలీస్ వాహనాన్నే వాడేసిందామె. వాహనం ఏకంగా బాన్నెట్‌ (Bonnet) పై కూర్చొని వీడియో తీయించుకుంది. అంతటితో ఆగకుండా అభ్యంతరకర రీతిలో వేళ్లతో సైగలు (మధ్య వేలు చూపించింది) చేసింది.

ఈ వీడియో సోషల్ మీడియాలో ప్రత్యక్షం కావడంతో నెట్టింట విమర్శలు వెల్లువెత్తాయి. చివరికి ఉన్నతాధికారుల దృష్టికి సైతం వెళ్లింది. దాంతో ఆమెను పోలీస్ (Police) వాహనంపై కూర్చుని ఇన్‌స్టా రీల్స్ చేసుకునేందుకు అనుమతించిన పోలీసు అధికారిపై (Police Officer) వేటు వేశారు. ఆమెను కారుపై కూర్చుని వీడియో రికార్డు చేసేందుకు స్టేషన్ హౌస్ ఆఫీసర్‌గా పనిచేస్తున్న అశోక్ శర్మ అని విచారణలో తేలింది. దీంతో పోలీసు ఉన్నతాధికారులు అశోక్ శర్మను సస్పెండ్ (Suspend) చేశారు.

Shocking: మూగజీవాలపై పైశాచికత్వం.. ఆపై టార్చర్ చేసి చంపడం.. వైల్డ్‌లైఫ్ ఎక్స్‌పర్ట్‌ శాడిజం..!