BJP MP: చంద్రబాబు అరెస్టు వైసీపీకి చాలా మైనస్.. బండి సంజయ్ సంచలన వ్యాఖ్యలు
ABN , First Publish Date - 2023-09-14T12:36:51+05:30 IST
టీడీపీ అధినేత చంద్రబాబు నాయుడు అరెస్ట్‌పై బీజేపీ ఎంపీ బండి సంజయ్ సంచలన వ్యాఖ్యలు చేశారు. గురువారం మీడియతో మాట్లాడుతూ.. చంద్రబాబుపై కక్ష పూరితంగా వ్యవహరిస్తున్నారని మండిపడ్డారు. ఎఫ్‌ఐఆర్‌లో పేరు లేకుండా అరెస్ట్ చేస్తారా అని ప్రశ్నించారు.
కరీంనగర్: టీడీపీ అధినేత చంద్రబాబు నాయుడు అరెస్ట్‌పై (TDP Chief Chandrababu Arrest) బీజేపీ ఎంపీ బండి సంజయ్ (BJP MP Bandi Sanjay) సంచలన వ్యాఖ్యలు చేశారు. గురువారం మీడియతో మాట్లాడుతూ.. చంద్రబాబుపై కక్ష పూరితంగా వ్యవహరిస్తున్నారని మండిపడ్డారు. ఎఫ్‌ఐఆర్‌లో పేరు లేకుండా అరెస్ట్ చేస్తారా అని ప్రశ్నించారు. ఏదైనా ఉంటే రాజకీయంగా కొట్లాడాలని.. వైసీపీ (YCP) తన గోతిలో తనే పడిందని అన్నారు. కక్ష పూరితంగా అరెస్టు చేశారని స్పష్టంగా అర్థం అవుతోందన్నారు. ఆంధ్రాలో వైసీపీకి దరిద్రపు అలవాటు ఉందని.. నిజం మాట్లాడితే చంద్రబాబు ఏజెంట్ అంటారని ఆగ్రహం వ్యక్తం చేశారు. వైసీపీ నేతలేమైనా సుద్ద పూసలా.. చంద్రబాబు అరెస్టు వైసీపీకి చాలా మైనస్ అని అన్నారు. బాబు అరెస్ట్‌ను అన్ని పార్టీలు వ్యతిరేకించాయని బండి సంజయ్ వెల్లడించారు.
