BRS: బీఆర్ఎస్‌లో చేరిన మెదక్ జిల్లా డీసీసీ ప్రెసిడెంట్ తిరుపతిరెడ్డి

మెదక్: రాబోయే ఎన్నికలను దృష్టిలో ఉంచుకోని బీఆర్ఎస్ పార్టీ(BRS) ఆకర్ష్ చేపట్టింది. బీఆర్ఎస్‌లో చేర్చుకునేందుకు మంత్రులు కేటీఆర్, హరీశ్‌రావు(KTR, Harish Rao) రంగంలోకి దిగారు. వారికి ఏదో ఒక పదవి ఆశ చూపించి పార్టీలో చేరేలా చేస్తున్నారు. ప్లాన్‌లో భాగంగా పలువురు నేతలకు గాలం వేస్తున్నారు. ఇందులో భాగంగా మెదక్ జిల్లా డీసీసీ ప్రెసిడెంట్ తిరుపతిరెడ్డి(Tirupati Reddy) కాంగ్రెస్ పార్టీకి రాజీనామా చేసి బీఆర్ఎస్ కండువా కప్పుకున్నారు. బీఆర్ఎస్ వర్కింగ్ ప్రెసిడెంట్, మంత్రి కేటీఆర్ తిరుపతిరెడ్డికి కండువా కప్పి పార్టీలోకి సాదరంగా ఆహ్వానించారు. ఈ సందర్భంగా మంత్రి కేటీఆర్ బీఆర్ఎస్ పార్టీ కార్యాలయంలో మీడియాతో మాట్లాడుతూ.. కాంగ్రెస్ పార్టీ కోసం కష్టపడిన తిరుపతిరెడ్డి లాంటి నాయకులను ఆ పార్టీ నాయకులు బలవంతంగా బయటకి పంపిస్తున్నారు. కానీ భారత రాష్ట్ర సమితిని బలోపేతం చేసేందుకు ముందుకు వచ్చి పార్టీలో జాయిన్ అవడం స్వాగతించదగిన విషయం. తిరుపతిరెడ్డితో పాటు పార్టీలో చేరిన ప్రతి ఒక్కరిని పార్టీ కాపాడుకుంటుంది. వారికి పార్టీలో సముచిత గౌరవాన్ని అందిస్తున్నామని మంత్రి కేటీఆర్ పేర్కొన్నారు.