AP High Court: EWS కోటా మెడికల్ సీట్ల కేటాయింపు జీవో నిలిపివేస్తూ హైకోర్టు ఆదేశాలు..

అమరావతి: ఆంధ్రప్రదేశ్‌లో మెడికల్ కళాశాలల్లో ఎకనామికల్లీ వీకర్ సెక్షన్ (EWS) కోటా కింద సీట్ల కేటాయింపు చేయాలని రాష్ట్ర ప్రభుత్వం జారీ చేసిన జీవోను నిలిపివేస్తూ ఏపీ హైకోర్టు మధ్యంతర ఉత్తర్వులు జారీ చేసింది. గతంలో జారీ చేసిన జీవోను సవాల్ చేస్తూ మెడికల్ విద్యార్థులు దాఖలు చేసిన పిటిషన్‌పై హైకోర్టులో ఇవాళ(మంగళవారం) విచారణ జరిగింది. మెడికల్ సీట్లను పెంచి EWS కోటా కింద భర్తీ చేయాలని పిటిషనర్ తరఫు న్యాయవాది అడ్వకేట్ ఠాకూర్ వాదనలు వినిపించారు. ప్రైవేట్ కళాశాలల్లో సీట్లు పెంచకుండానే EWS కింద కేటాయింపు చేయాలంటూ ప్రభుత్వం జీవో జారీ చేసినట్లు ధర్మాసనం దృష్టికి అడ్వకేట్ ఠాకూర్ తీసుకెళ్లారు. దీని వల్ల ఓపెన్ కేటగిరీ విద్యార్థులు నష్టపోతారని ఆయన హైకోర్టుకు తెలిపారు. దీంతో జీవోను నిలుపుదల చేస్తూ హైకోర్టు మధ్యంతర ఉత్తర్వులు జారీ చేసింది. తదుపరి విచారణను 6వారాలకి వాయిదా వేసింది.

ఈ వార్త కూడా చదవండి:

Minister Anagani: రౌడీయిజం చేసిన జోగి రమేశ్ ఇవాళ నీతులు చెబుతున్నారు..