Kesineni Chinni: పవన్ కళ్యాణ్‌కి ఎక్కడ తగ్గాలో తెలుసు.. ఎక్కడ నెగ్గాలో తెలుసు

ఎన్టీఆర్ జిల్లా: జనసేన అధినేత పవన్ కళ్యాణ్‌కి ఎక్కడ తగ్గాలో తెలుసు.. ఎక్కడ నెగ్గాలో తెలుసునని టీడీపీ ఎన్టీఆర్ జిల్లా పార్లమెంట్ అభ్యర్థి కేశినేని చిన్ని(Kesineni Chinni) అన్నారు. తన సేవా కార్యక్రమాలు, రాజకీయ జీవితం ప్రారంభం అయ్యింది తిరువూరులోనేనని చెప్పారు. ఈ ధూం...ధాం సభ చూస్తుంటే చాలా సంతోషంగా ఉందన్నారు. ఇది టీడీపీ విజయోత్సవ సభలాగా ఉందన్నారు. ఇక్కడ మీ అభిమానం, ఆదరణ చూస్తుంటే గెలుపు ముందే వచ్చినట్లుగా ఉందని చెప్పారు.

తిరువూరు నియోజకవర్గ ప్రతి గ్రామంలో తన సొంత నిధులతో ఆర్వో వాటర్ ప్లాంట్లు ఏర్పాటు చేసే బాధ్యత తనదని చెప్పారు. ఆడ బిడ్డ సంతోషంగా, ఆత్మగౌరవంతో ఉండాలంటే చంద్రబాబుతోనే సాధ్యమని అన్నారు. చంద్రబాబు మహిళల పక్షపాతి అని చెప్పారు. దళితుల జీవితాలు బాగుండాలంటే చంద్రబాబు అధికారంలోకి రావాలని అన్నారు. కొలికలపూడి గెలుపు తిరువూరులో న బూతో న భవిష్యత్ అనే విధంగా ఉండాలని చెప్పారు. మన పార్టీ నుంచి ఇద్దరు వ్యక్తులు వెళ్లిపోయారన్నారు. ఆనేతలు వెళ్లడంతో టీడీపీ పార్టీకి పట్టిన దరిద్రం వదిలిందని కేశినేని చిన్ని అన్నారు.

మరిన్ని ఏపీ వార్తల కోసం ఇక్కడ క్లిక్ చేయండి