TG Police: నేరేడ్‌మెట్ గ్యాంగ్ రేప్ కేసులో పురోగతి

హైదరాబాద్: నేరేడ్‌మెట్ బాలిక గ్యాంగ్ రేప్ కేసులో పోలీసులు పురోగతి సాధించారు. బాలికపై అత్యాచారం చేసిన 10 మంది నిందితులను అరెస్ట్ చేసినట్లు నేరేడ్‌మెట్ పోలీసులు తెలిపారు. ఈరోజు (ఆదివారం) మీడియాకు పోలీసులు వివరాలు వెల్లడించారు.

10 నిందితులను అరెస్ట్ చేశాం..

‘‘ఈ కేసులో ఇప్పటికే అనుమానితులను అదుపులోకి తీసుకొని విచారణ చేశాం. బాలికకు మాయ మాటలు చెప్పి నిందితులు అత్యాచారం చేశారు. కీలక సూత్రధారులైన నరేష్ విజయ్‌లతో పాటు 8 మందిని అరెస్ట్ చేశాం. కాచిగూడ నుంచి బాలికను కిడ్నాప్ చేసి తీసుకువెళ్లి సామూహిక అత్యాచారం చేశారు. కూల్ డ్రింక్‌లో గంజాయి కలిపి బాధితురాలికి తాగించి గ్యాంగ్ రేప్ చేశారు. గంజాయి మత్తులోకి అమ్మాయి జారుకున్న తర్వాత నిర్మానుష్య ప్రాంతంలోకి తీసుకెళ్లి అత్యాచారానికి ముఠా పాల్పడింది. పలు దఫాలుగా అమ్మాయిపై అత్యాచారానికి కిరాతకులు పాల్పడారు. అమ్మాయి తల్లి ఇచ్చిన ఫిర్యాదుపై నిందితులను అరెస్టు చేసి రిమాండ్‌కు పంపించాం’’ అని నేరేడ్‌మెట్ పోలీసులు తెలిపారు.