Pawan Kalyan: రూ.10 లక్షలతో పుస్తకాలు కొన్న పవన్ కల్యాణ్.. ఎందుకంటే
ABN , Publish Date - Jan 11 , 2025 | 12:59 PM
Pawan Kalyan: రూ.10 లక్షల విలువ చేసే పుస్తకాలను ఆంధ్రప్రదేశ్ ఉపముఖ్యమంత్రి పవన్ కల్యాణ్ కొనుగోలు చేశారు. ఈరోజు ఉదయం ఇందిరాగాంధీ స్టేడియంలో జరుగుతున్న పుస్తక మహోత్సవానికి పవన్ కల్యాణ్ వచ్చారు.
విజయవాడ: రూ.10 లక్షల విలువ చేసే పుస్తకాలను ఆంధ్రప్రదేశ్ ఉపముఖ్యమంత్రి పవన్ కల్యాణ్ కొనుగోలు చేశారు. ఈరోజు(శనివారం) ఉదయం ఇందిరాగాంధీ స్టేడియంలో జరుగుతున్న పుస్తక మహోత్సవానికి పవన్ కల్యాణ్ వచ్చారు. అయితే పవన్ ఇక్కడకు వస్తున్నారని మీడియాకు సమాచారం ఇవ్వకుండా గోప్యంగా అధికారులు ఉంచారు. పుస్తక మహోత్సవం నిర్వాహకులతో పవన్ కల్యాణ్ మాట్లాడారు. తన సొంత డబ్బు రూ.10 లక్షలతో పుస్తకాలకు ఆర్డర్ ఇచ్చారు.
పిఠాపురం నియోజకవర్గంలో అధునాతన సౌకర్యాలతో లైబ్రరీ నిర్మాణం ఏర్పాటు చేయనున్నట్లు సమాచారం. ఆ గ్రంధాలయంలో ఈ పుస్తకాలు ఏర్పాటు చేయాలని పవన్ నిర్ణయం తీసుకున్నట్లు తెలుస్తోంది. జనవరి 2వ తేదీన పుస్తక మహోత్సవం ప్రారంభించి పుస్తక పఠనం ద్వారా కలిగే ప్రయోజనాలను, వ్యక్తిగతంగా తనకు కలిగిన మేలును పవన్ కల్యాణ్ వివరించారు. ఇప్పుడు తాను ప్రాతినిధ్యం వహిస్తున్న పిఠాపురంలో యువతకు పుస్తక పఠనం అలవాటు చేసేలా పవన్ కల్యాణ్ లైబ్రరీ ఏర్పాటు చేయనున్నారు.
ఈ వార్తలు కూడా చదవండి
Pawan Kalyan: క్షమాపణలు చెప్పాల్సిందే!
Vadde Obanna: రేనాటి వీరుడా వందనం!
Read Latest AP News and Telugu News
