Budget 2025: ఆ పేషెంట్స్‌కు బిగ్ రిలీఫ్.. ప్రాణాలు కాపాడే మందులు చవకగా..
ABN , Publish Date - Feb 01 , 2025 | 01:43 PM
Budget 2025 For Healthcare Sector: ఆ పేషెంట్స్‌కు కేంద్రం బిగ్ రిలీఫ్ ఇచ్చింది. ప్రాణాలు కాపాడే 36 రకాల మందులపై ధరల్ని బాగా తగ్గించింది సర్కారు.
బడ్జెట్-2025లో కేంద్ర ప్రభుత్వం పలు ఊహించని సర్‌ప్రైజ్‌లు ఇచ్చింది. ట్యాక్స్ మినహాయింపులతో మధ్యతరగతి ప్రజలకు అదిరిపోయే గుడ్ న్యూస్ చెప్పింది. హెల్త్‌కేర్ సెక్టార్‌కు కూడా ప్రాధాన్యత ఇచ్చిన మోడీ సర్కారు.. ఆ పేషెంట్స్‌కు భారీ ఊరటను ఇచ్చింది. ప్రాణాలు కాపాడే 36 రకాల మందులను చవకగా ఇచ్చేందుకు సిద్ధమైంది. ఆ మెడిసిన్స్‌ను కస్టమ్స్ డ్యూటీ నుంచి మినహాయిస్తున్నట్లు ప్రకటించారు ఆర్థిక మంత్రి నిర్మలా సీతారామన్.
కస్టమ్స్ డ్యూటీ ఎత్తివేత
‘క్యాన్సర్‌తో పాటు అరుదైన వ్యాధులతో బాధపడే రోగులకు ఊరటను ఇవ్వడంలో భాగంగా ప్రాణాలు కాపాడే 36 రకాల మందులపై కస్టమ్స్ డ్యూటీని ఎత్తేస్తున్నాం. ఆ ఔషధాలను బేసిక్ కస్టమ్స్ డ్యూటీ (బీసీడీ) నుంచి మినహాయిస్తున్నాం. ఆ లిస్ట్‌లో ప్రాణాలు కాపాడే మరో 6 రకాల మందులను చేరుస్తున్నాం. వీటిపై గతంలో 5 శాతం కస్టమ్స్ డ్యూటీ ఉండేది. ఇప్పుడు వాటిపై కస్టమ్స్ డ్యూటీ ఉండదు. పై అన్ని రకాల మందులను తయారు చేసే సంస్థలకు పన్ను మినహాయింపులు వర్తిస్తాయి’ అని నిర్మలా సీతారామన్ చెప్పుకొచ్చారు.
ఇవీ చదవండి:
కేంద్ర వార్షిక బడ్జెట్ ఎంత.. ఏయే శాఖలకు ఎంత కేటాయించారు
డెలివరీ సంస్థలో పనిచేస్తున్న వారికి గుడ్‌న్యూస్ చెప్పిన కేంద్రం
ప్రపంచంలోనే తొలిసారి ఒకే స్తంభంపై ఐదు మెట్రోరైలు పట్టాలు
మరిన్ని జాతీయ, తెలుగు వార్తల కోసం క్లిక్ చేయండి
