Minister Peddireddy: పవన్ కళ్యాణ్ ఒక పెయిడ్ ఆర్టిస్ట్

చిత్తూరు: తెలుగుదేశం, జనసేన (Telugu Desam, Janasena) పొత్తు ప్రభావం ఏపీ రాజకీయాల(AP politics)పై ఏ విధమైన ప్రభావం ఉండబోదని మంత్రి పెద్దిరెడ్డి రామచంద్రారెడ్డి(Minister Peddireddy Ramachandra Reddy) వ్యాఖ్యానించారు. తెలుగుదేశం, జనసేన కలయికపై, చంద్రబాబు జైలుకెళ్లడంపై మంత్రి పెద్దిరెడ్డి సంచలన వ్యాఖ్యలు చేశారు. శుక్రవారం నాడు మంత్రి కార్యాలయంలో పెద్దిరెడ్డి మీడియాతో మాట్లాడుతూ..‘‘తప్పు చేస్తే ఎవరైనా జైలుకెళ్లక తప్పదు.అందుకే చంద్రబాబు జైలుకి వెళ్లాడు. టీడీపీ, జనసేన పొత్తు పెద్ద ఆశ్చర్యకరమైన వార్త ఏమీ కాదు. పవన్ కళ్యాణ్ ఒక పెయిడ్ ఆర్టిస్ట్... చంద్రబాబు డబ్బు ఇచ్చినప్పుడల్లా వారాహి యాత్ర నడిపిస్తున్నాడు.బీజేపీని కలుపుకోవడానికి ఇంతకాలం వారిద్దరూ పైకి పొత్తుల్లేనట్లు నటించారు.కానీ ఇప్పుడు బీజేపీ పాత్ర ఏమీ లేదని తేలిపోవడంతో ఆ ఇద్దరు పొత్తును ఇప్పుడు బయటపెట్టారని మంత్రి పెద్దిరెడ్డి రామచంద్రారెడ్డి పేర్కొన్నారు.