YCP VS TDP: భీమవరంలో ఉద్రిక్తత.. యువగళం పాదయాత్రలో రాళ్లదాడి.. వివాదానికి కారణమేటంటే..?

ప.గో(భీమవరం): భీమవరం(Bhimavaram)లో మరోసారి వైసీపీ(YCP) మూకలు రెచ్చిపోయాయి. శాంతియుతంగా పాదయాత్ర చేస్తున్న తెలుగుదేశం జాతీయ ప్రధాన కార్యదర్శి నారా లోకేష్(Nara Lokesh) యువగళం పాదయాత్ర(Yuvagalam Padayatra) పైకి వైసీపీ నేత రౌడీషీటర్ సుధ(Rowdy sheeter Sudha) ఉసి కొల్పడంతో రాళ్లదాడికి దిగారు. దీంతో వైసీపీ నేతలు, టీడీపీ శ్రేణుల మధ్య తీవ్ర ఘర్షణ వాతావరణం తలెత్తింది. బందోబస్తుగా ఉన్న ఏపీ పోలీసులు(AP Police) మిన్నకుండి పోయారు తప్ప వైసీపీ మూకలను వారించలేదు. దీంతో పాదయాత్ర మార్గంలో ఉద్రిక్త పరిస్థితులు నెలకొన్నాయి.

వైసీపీ నేతలను అడ్డుకోవాలని వారించిన పోలీసులు వినడం లేదని టీడీపీ నేతలు ఆగ్రహం వ్యక్తం చేస్తున్నారు. కాగా ఈ వివాదానికి కారణం జగన్ ఫ్లెక్సీ (Jagan Flexi)దగ్గర టీడీపీ నేతలు ఉండడమేనని తెలుస్తోంది. కాగా..జగన్ ఫ్లెక్సీ వద్ద పోలీసులు భారీగా మోహరించారు.యువగళం కార్యకర్తలను అక్కడ నుంచి వెళ్లిపోవాలని పోలీసులు ఒత్తిడి తెచ్చారు. యువగళం సభ్యులను పోలీసులు అడ్డుకున్నారు. పోలీసులకు, యువగళం సభ్యులకు మధ్య తీవ్ర వాగ్వాదం జరిగింది. ఇరువర్గాల మధ్య తోపులాట జరిగింది. పార్టీ నేతలు సర్దిచెప్పడంతో వివాదం కొంత సద్దుమణిగింది.