Shabbir Ali: బీఆర్‌ఎస్, బీజేపీ రెండూ ఒక్కటే

కామారెడ్డి: బీఆర్‌ఎస్ పార్టీ, బీజేపీ పార్టీ రెండూ ఒక్కటే అని మాజీ మంత్రి షబ్బీర్ అలీ (Former Minister Shabbir Ali) అన్నారు. శనివారం మీడియాతో మాట్లాడుతూ... కేంద్ర మంత్రులతో మంత్రి కేటీఆర్ (Minister KTR) రహస్య సమావేశాలు నిర్వహించడంలో మంథనాలు ఎంటి అని ప్రశ్నించారు. రాష్ట్రానికి వచ్చిన కేంద్రమంత్రులను కలువకుండా... ఢిల్లీలో ఉన్న వారిని ఎందుకు కలుస్తున్నారని అడిగారు. బీజేపీ (BJP), బీఆర్‌ఎస్ (BRS) చీకటి ఒప్పందం చేసుకున్నాయని ఆరోపించారు. నాణ్యత లోపం వల్లే టేక్రియాల్‌లో డబుల్ బేడ్ రూం ఇండ్లని ప్రజలు వద్దంటున్నారన్నారు. నాసిరకంతో‌ ఇండ్లని నిర్మించి కాంట్రాక్టర్లు కమిషన్లకు ఆశ పడ్డారని మండిపడ్డారు. ఇండ్లు కట్టేది మేస్త్రీలే కదా... వాళ్ల పట్ల అవహేళనంగా మాట్లాడడం సరైంది కాదని.. వారికి క్షమాపణ చెప్పాలని డిమాండ్ చేశారు. డబుల్ బేడ్ రూం ఇండ్లు కూలిపోతే బీఆర్ఎస్ పార్టీ నాయకులే కారణమని షబ్బీర్ అలీ వ్యాఖ్యలు చేశారు.