AP NEWS: పోలీసులపై జాతీయ, రాష్ట్ర ఎస్సీ కమిషన్లకు ఫిర్యాదు చేయనున్న టీడీపీ నేతలు

ఎన్టీఆర్ జిల్లా: పోలీసులపై జాతీయ, రాష్ట్ర ఎస్సీ కమిషన్లకు టీడీపీ ( TDP ) నేతలు ఫిర్యాదు చేయనున్నారు. మాజీ ఎమ్మెల్యే తంగిరాల సౌమ్య ( Tangirala Soumya ) పై కొంతమంది వైసీపీ ( YCP ) అల్లరి మూకలు అసభ్యకర రీతిలో మీమ్స్ వీడియోలను సోషల్ మీడియాలో ప్రదర్శించారని టీడీపీ ( TDP ) నేతలు చెప్పారు. వీరిపై ఇప్పటికీ ఎందుకు కేసు నమోదు నమోదు చేయలేదని పోలీసుల తీరును వారు ప్రశ్నించారు. న్యాయం చేయమని పోలీసు స్టేషన్‌కు వెళ్లిన తమపై తిరిగి కేసు నమోదు చేయటం సిగ్గుచేటని టీడీపీ ( TDP ) నేతలు అన్నారు. దళిత వర్గానికి చెందిన తంగిరాల సౌమ్యపై అసభ్యకర రీతిలో వైసీపీ నేతలు సోషల్ మీడియాలో పోస్టులు పెట్టారని వారిపై వెంటనే కేసు నమోదు చేయాలని ఫిర్యాదు చేసిన.. పోలీసులు ఇంతవరకు ఎలాంటి చర్యలు తీసుకోలేదని మండిపడ్డారు. పోలీసులు పట్టించుకోకపోవడంతో జాతీయ, రాష్ట్ర ఎస్సీ కమిషన్లకు ఫిర్యాదు చేస్తామని టీడీపీ నేతలు తెలిపారు.