BJP: మాజీ ఎంపీ చేరికతో ఆదిలాబాద్‌ బీజేపీలో కాక.. ఢిల్లీకి జిల్లా నేతలు

న్యూఢిల్లీ, మార్చి 11: మాజీ ఎంపీ నగేష్ (Former MP Nagesh) చేరిక ఆదిలాబాద్ బీజేపీలో (BJP) కాకరేపుతోంది. నగేష్‌ను వ్యతిరేకిస్తున్న కొందరు బీజేపీ నేతలు (BJP Leaders) హస్తిన బాట పట్టారు. ఆదిలాబాద్‌కు చెందిన రమేష్ రాథోడ్, మాజీ ఎమ్మెల్యే రాథోడ్ బాపు, పలువురు బీజేపీ నేతలు ఢిల్లీకి చేరుకున్నారు. ఈ సందర్భంగా బీజేపీ జనరల్ సెక్రటరీ బీఎల్ సంతోష్‌ను వారు కలవనున్నారు. బీఎల్ సంతోష్ ఇచ్చే సమాధానం బట్టి తదుపరి కార్యాచరణ ప్రకటించాలని నిర్ణయించారు.

కాగా.. మాజీ ఎంపీ నగేష్ చేరిక ఆదిలాబాద్ బీజేపీ తీవ్ర కలవరాన్ని రేపుతోంది. నగేష్‌ను బీజేపీలో చేర్చుకోవడాన్ని మెజారిటీ కమలం పార్టీ శాసనసభ్యులు వ్యతిరేకిస్తున్న పరిస్థితి. నగేష్ చేరికపై అభ్యంతరాలను ఆదిలాబాద్ బంజారా నేతలు అధిష్టానం దృష్టికి తీసుకువెళ్లారు. పార్టీలో మొదటి నుండి పనిచేసిన వారికి కాకుండా ఇటీవల చేరిన వారికి ఆదిలాబాద్ లోక్‌సభ టికెట్ ఇవ్వద్దని అధిష్టానానికి సూచించారు.

ఇవి కూడా చదవండి...

Actress Iswarya: వేరొకరితో అక్రమ సంబంధం పెట్టుకుని తనను వేధిస్తోందంటూ సీరియల్ నటి భర్త ఆవేదన..

Janasena: ఎమ్మెల్యే అభ్యర్థిని ప్రకటించిన పవన్ కల్యాణ్

మరిన్ని తెలంగాణ వార్తల కోసం ఇక్కడ క్లిక్ చేయండి...